Telugu Premam teaser Troll reasons



.com @ Rs.599

GRAPHICS VINAYAGAR SATHURTHI WISH



.com @ Rs.599

பங்குச்சந்தையூம் பணவேட்டையூம் -1



 இதை ஒரு தொடராக எழுத விரும்புகிறேன்.இந்த தொடரில் பங்குச்சந்தையில் நடக்கும் வினோதமான பழக்க வழங்களும் குறுக்கு வழியில் எப்படி சில பேர் மட்டும் பணம் சம்பாதித்துக் கொண்டே இருக்கிறார்கள் என்றும் ஏதாவது புதுப்புது வழிகள் பணவேட்டையாடுவதற்கு இருக்கிறதா என்றும் கவனித்துப் பார்த்து அதனை உங்களுக்கு தர விரும்புகிறேன்.இடையிடையே பங்குச்சந்தை மனிதர்கள் பற்றியூம் எழுதுவேன்.
 இப்போது எழுதப்போவது ஒரு சடுகுடு மனிதரைப் பற்றி.
 இவருக்கு வயது எழுபத்தைந்திற்கு மேல் இருக்கும்.பெயர் வேண்டாம்.சும்மா பேருக்கு இவரது பெயரை ஷேர்ஹாசன் என்று வைத்துக் கொள்வோம்.வெளுத்த நீண்ட தலை முடி பாகவதர் இளமை ஊஞ்சலாடுகிறது காலத்து ஹேர்ஸ்டைல்.நன்றாக பிரில்கிரிம் போட்டு பராமரித்திருப்பார்.எப்போதும் ஓவியர் ஜெயராஜ் பெண்களுக்குப் போட்டு விடும் வாசகங்கள் அடங்கிய ரவூன்டு காலர் டி ஷர்ட்தான் அணிந்திருப்பார்.சொல்லவே வேண்டாம்.;சாயம் வெளுத்துப் போன ஐசி ப்ளு டிஷர்ட்தான் போடுவார்.காலில் இரண்டாயிரம் ரூபாய்க்கு மேற்பட்ட லீகூப்பர் ஷூக்கள் அணிந்து பந்தாவாக வருவார்.
 இது பல வருடங்களுக்கு முன்னார் நடந்தது.
 க்வான்டின் டாரன்டினோவின் படங்களில் வரும் துறுதுறு கேரக்டர் போல வரும்போதே "விஜய் சார் இன்னிக்கி செம வேட்டை ஆடனும்.என்ன சொல்றான் .....என்று ஒரு பங்கின் பெயரைச் சொல்லிக் கேட்டுக் கொண்டே வருவார்.
 அவர் வருவதற்கும் சந்தை துவங்குவதற்கும் சரியாக இருக்கும்.ஷேர் ஹாசன்  ஆர்டரைப் போடச் சொல்லி டீலரிடம் அருகே போய் நிற்பார்.அவர் வந்து விட்டாலே அன்றைக்கு அவர் என்ன செய்யப் போகிறார் என்ற ஆவலில் மற்ற முதலீட்டாளர்கள் பேசாமல் வாயடைத்துப் போய் அமர்ந்திருப்பார்கள்.ஏசியின் சன்னமான ர்ர்ர் சப்தம் கூட சரியாகக் கேட்கும்.
"அடிங்க சார் அவனை" என்பார்.
க்வன்டின் டாரன்டினோ ஆட்டம் ஆரம்பமாகி விடும்.
 ஒரு குறிப்பிட்ட பங்கில் ஆவேசமாக ஷார்ட் அடிக்கச் சொல்வார்.சும்மா இல்லை.பத்தாயிரம் எண்ணிக்கைக்கு.ஆனால் அவர் எடுத்துக் கொள்ளும் பங்கின் விலை ரூ 10 என்ற அளவில்தான் இருக்கும்.ஷார்ட் அடித்த உடனே கவர் செய்யச் சொல்லி ஒரு பையிங் ஆர்டரும் போட்டு அதை கவர் செய்து விடுவார் கொளுத்த லாபத்துடன்.
 ஷேர்ஹாசன் செய்வது இதைத்தான்.
 வரும்போதே என்னிடம் "விஜய் சார்..." என்று மூன்று விரல்களை உயர்த்துவார்.எனக்குப் புரிந்து விடும்.அவர் சொல்லும் பங்கின் மூன்று நாட்களுக்கான டே-ஹை விலையை அவருக்குச் சொல்ல வேண்டும்.அவர் உடனே அந்த மூன்று நாட்களின் டே-ஹை விலையை விட (அந்த விலைக்கு மேல் இன்று ஓப்பன் ஆகியிருக்க வேண்டும்.அவர் ராசிக்கு ஆகி விடும்) சற்று கூடுதலாக ஒரு விலையைப் போட்டு உடனே அந்த விலைக்கு சற்று கீழாக ஒரு விலைப் போட்டு கவர் செய்து விடுவார்.
 சந்தை துவங்கிய சில நிமிடங்களில் லாபம் பார்த்தவர் இவர் ஒருத்தர்தான்.அதன்பின் அவரைப் பின்பற்றி மற்றவர்கள் யாரும் ஆர்டரைப் போட்டாலும் அது போல பெரிய வெற்றியையோ லாபத்தையோ தராது.
 ஆரம்பத்திலயே அடிக்க வேண்டும்சார்.அவனைப் போட்டு என் கால்ல மிதிக்கனும் என்பார் வருத்தப்படாத வாலிபர் சங்கத்து காதல் தண்டபாணி போல.
 தினம்தினம் இதையேதான் கடைபிடிப்பார்.
 மூன்று நாட்களுக்கான டே-ஹையை விட சிறிது மேலாக ஒரு விலையைப் போட்டு ஷார்ட் அடித்து விட்டு உடனே அதற்கு சிறிது கீழான விலையில் வாங்கி கணக்கை நேர் செய்து விடுவது.
 அதன்பின் டிரேடிங் செய்ய மாட்டார்.
 உட்கார்ந்து பேக் ஆபீஸ் பெண்களுடன் அரட்டை அடித்து விட்டு வெளியே கிளம்பி விடுவார்.ஒருநாள் அவரிடம் வெளியே நின்ற டீ சாப்பிட்டுக்கொண்டே சமோசாவை கடித்தபடி கேட்டேன்.
"ஏன் சார் இப்படி"
"இந்த வயசுல எதுக்கு டிரேடு பண்றேன்.அதுவூம் தினமும் எதுக்கு ஷார்ட்செல்லிங்னுதானே கேட்கறிங்க விஜய்.உங்ககிட்ட பழகிட்டதுக்காக சொல்றேன்.நான் சென்ட்ரல் கவர்கமன்ட்ல ஆபீசர் ரேங்க்ல வேலை பார்த்து ரிட்டயர்டானவன்.மனைவி இருக்கா.ரெண்டு பசங்க.ஒரு பொண்ணு.எல்லாருமே நல்ல நிலைமையில இருக்காங்க.இவன் ரிட்டயர்டானவன்தானே.கிழவன்தானே.பூட்டகேசுன்னு இளக்காரம்.எக்சர்சைஸ் யோகான்னு பண்ணி திடமா இருக்கேன்.என்னை ஒரு சுமையா என்பிள்ளைங்களே நினைக்கக் கூடிய காலம் வந்தாச்சுன்னு அவங்க பேச்சிலயே தெரியூது.நான் ஒண்ணும் உபயோகமில்லாதவன்னுதான் தினமும் வர்றேன்.டிரேடு பண்றேன்.ஆனா லாங் போக மாட்டேன்.தினம் ஷார்ட் செல்லிங்தான்.காட்டு அடிதான்.ஜாங்கோ மாதிரி சுடுவேன்தான்.காரணம் என் கோபத்தையூம் நானும் மனசுள்ள உபயோகமுள்ள ஆள்தான்னு எதிர்வினையை காட்டறதுக்காகத்தான் ஷார்ட் அடிச்சு தள்றேன்.என் வயசு ஆட்களோட கட்டைச் சுவத்துலயோ கவர்மன்ட் லைப்ரரியிலயே உட்கார்ந்து வெட்டி அரசியல் பேச என்னால முடியாது.ஏன்னா ஐம் யூஸ்ஃபுல்" என்று விடைபெற்று நடந்து போனார்.அவர் போவதை பார்த்துக் கொண்டே அமர்ந்திருந்தேன்.
 அவர் கையில் துப்பாக்கி மட்டும்தான் இல்லை.மற்றபடி அவர் க்வன்டைன் டாரன்டினோ படத்து ஹீரோதான்.
Dear readers, kindly visit to: http://bullsstreetdotcom.blogspot.in

மாற்றம் ஏற்படுத்தும் மாற்றுதிறனாளி - லலித்குமார் ஒரு பார்வை

       ஏதாவது ஒரு விபத்து ஏற்பட்டு, உயிரை மட்டுமே மிச்சமாக வைத்து எழுந்து நடக்க முடியாமல் போனவர்களின் விபத்துக்கு பிந்தைய வாழ்க்கை முறை பற்றி நாம் யாரும் பெரிதாக கண்டுகொள்வதே இல்லை.  அதுவரை ஓடி, ஆடிய கால்கள் சுயமற்று இருப்பதை மனதால் தாங்கிகொள்ள முடியாமல் இருட்டு அறையில் ஒடுங்கி கிடக்கும் தனது சக மனிதனை பற்றி அக்கறை இல்லாத சுயநல வாழ்விற்கு நடுவே, அவ்வாறான மக்களின் கண்ணீர் துடைக்க தனது சக்கர நாற்காலியில் சுழன்று சுற்றிக்கொண்டிருக்கிறது லலித்தின் கால்கள். ஆம்  அவர் பெயர் லலித்.



     நண்பர் "லலித்" பற்றி இங்கே நான் சொல்லியே ஆகவேண்டும். பல நேரங்களில் என்னை பொறாமைபட வைத்தவர். சிந்தனையில், மனதில், உடலில் அவ்வளவு உறுதியான ஒரு மனிதரை எனது அனுபத்தில் முதன் முதலில் லலித்திடம் தான் கண்டேன்.

       "அவரால் சுயமாக எழுந்து நடக்க முடியாது" என்று சொல்லக்கூட என்னால் முடியாது. காரணம் சக்கர நாற்காலியில் செய்யும் அவரது சாகசங்களை கண்டு தான்.

      தன்னை போன்ற பலரையும்( மாற்றுதிறனாளிகள்) எழுந்து நடக்க வைக்க அயாராது உழைத்துக் கொண்டிருக்கிறார். அவரின் கரத்தை வலுபடுத்த நிச்சயம் நாமும் இணைய வேண்டும்.


       முதுகுதண்டுவடத்தில் ஏற்படும் பாதிப்பின் காரணமாக முற்றிலும் இடுப்புக்கு Spinal Cord Injury கீழே செயல் இழந்தவர்களுக்கான மறுவாழ்வு அளித்து வரும் அவரது சேவையில் இணைவதில் எனக்கும் பெருமிதம் தான். 


      இருட்டில் வாழும் அவ்வாறான மாற்றுத்திறனாளிகளை தேடி கண்டுபிடித்து மறுவாழ்வு தரும் அவரது முயற்சியில் வரும் குடியரசு தினத்தில் 26-01-2016 
நிதி திரட்டும் விதமாக, 


     குழந்தைகள், ஆண்கள், பெண்கள், முதியவர்கள் என யார் வேண்டுமானாலும் இந்த கவிதை தொகுப்பில் பதிவு செய்யலாம். குறைந்த பட்சம் 8 வரிகளும் அதிகபட்சம் 35 வரிகளுக்குள்ளும் உங்களது படைப்புகளை பதிவு செய்யலாம். தமிழ், இந்தி, ஆங்கிலம் என மூன்று மொழிகளிலும் அனுப்பலாம்.

          கலந்துகொள்ளும் அனைவருக்கும் உலகசாதனை நிறுவனமான Assist World Records சான்றிதழ் வழங்குகிறது.


தொடர்புக்கு :

லலித்குமார் நடராஜன்
by phone: 7639142556
https://www.facebook.com/lalithsapri



என் தேசம் என் கனவு

தொழிற்களம் வாசகர்களுக்கும் - சக பதிவர்களுக்கும் வணக்கம். 

முன்னொரு காலத்தில் "பணம் பணம் பணம் "தொடர் எழுதிய அதே சித்தூர் முருகேசன் இப்போது என் தேசம் என் கனவு  என்ற தலைப்பில் தனிப்பதிவோடு வந்திருக்கிறேன்.

முன்னர் எழுதிய தொடரில் தனிமனிதர்கள் எப்படி பணக்காரர் ஆகலாம் என்று எழுந்தியிருந்தேன். (இந்த தொடர் நூல் வடிவம் பெற்று சக்கை போடு போட்டது தெரிந்திருக்க்கலாம்)  இந்த தனிப்பதிவில் இந்தியா பணக்கார நாடாக என்ன செய்ய வேண்டும் என்பதை எழுதுகிறேன்.


ஹ.. நாட்டை பற்றிய பதிவான்னு உச் கொட்டாதிங்க பாஸ் ! நாம நல்லாருக்கனும்னா நம்மை சுத்தி இருக்கிற எல்லாருமே நல்லா இருக்கனும்.
வறுமைங்கறது உலகத்தின் எந்த மூலையிலோ சின்ன திட்டா இருந்தா கூட அது உலகம் பூரா பரவ ரெம்ப காலம் பிடிக்காது.மேலும் க்ளோபல் விலேஜ் யுகத்துல வாழறம். ஜஸ்ட் ஒரு கிரீஸ் நாட்ல பிரச்சினைன்னா அது உலகத்தையே மிரட்டற அளவுக்கு போயிருச்சு . நம்ம ரிசர்வ் பேங்க் கவர்னர் வேற 1930 போல உலக பொருளாதார நெருக்கடி காத்திருக்குன்னு சொல்லியிருக்காரு.


உண்மையில்  நாம நல்லா இருக்கனும்னா நாடு நல்லாருக்கனும். நாடு நல்லாருக்கனும்னா நாம நல்லாருக்கனும். நம்ம மோதிஜி பிரதமராகி 100 நாள் முடிஞ்ச பிறகு 2014,ஜூலை 16 ஆம் தேதி அவருக்கு ஒரு லெட்டர் போட்டேன். பிரதமர் அலுவலகம் "உங்கள் கடிதம் கிடைத்தது - இட் ஈஸ் கெப்ட் ஆன் ரெக்கார்ட்"னு பதில் கூட போட்டாங்க. அந்த லெட்டர்ல நான் தெரிவிச்சிருந்த யோசனைகள் தான் இந்த பதிவு .


இதை பாக்கெட் புக்கா போட்டு ( 4000 பிரதிகள்) தமிழ்,தெலுங்கு வி ஐ பிக்களுக்கும் , சாமானியர்களுக்கும் இலவசமா கொடுத்துக்கிட்டிருக்கன். என்ன யோசனைகளுக்கு போயிரலாமா?  


பாகம்: 1
மத்திய அரசின் பட்ஜெட்டில் முக்கிய ஒதுக்கீடே வெளி நாட்டு/உள் நாட்டு
கடன்/ கடன் மீதான வட்டி/வட்டி மீதான வட்டிக்கே செய்யப்படுகிறது .
இதற்கு ஒரு முடிவு கட்டினாலே தவிர எந்த பிரதமரும் எதையும் சாதிக்க
முடியாது. எனவே ..

1.ஜனாதிபதி-கவர்னர் பதவிகள் ரத்து. இவர்களின் பணியை சுப்ரீம் கோர்/ஹை
கோர்ட் நீதிபதிகளே செய்யலாம்.
2.ஜனாதிபதி மாளிகை/பாராளுமன்ற வளாகம்,பிரதமர் வீடு , மானிலங்களிலான
கவர்னர் மாளிகைகள் ,முதல்வர்கள் வீடு சட்டமன்ற வளாகங்கள் அனைத்தையும்
க்ளோபல் டெண்டர் அழைத்து 99 வருடங்களுக்கு லீஸ்.
(எதிர்காலத்தில் பாராளுமன்ற சட்டமன்ற கூட்டங்கள்/கலந்தாலோசனைகள்
வீடியோகான்ஃபரன்ஸ் முறையில் மட்டுமே நடக்க வேண்டும்)
3.ஸ்விட்ஜர்லாந்து வங்கி கணக்காய் இங்கும் ஒரு வங்கி துவக்கினால் வெளி
நாடுகளில் தேங்கி/தேக்கப்பட்டு கிடக்கும் கருப்பு பணம் தானாகவே நம்
நாட்டை வந்தடையும்.
4.வாகனங்களுக்கு பெட் ரோலுடன் 60:40 விகிதத்தில் எத்தனால் கலந்து உபயோகிக்க அனுமதி.
5.வாரத்துக்கு ஒரு நாளை மாசு கட்டுப்பாட்டு தினமாக அறிவித்து 52+
கேரியர்ஸுக்கு மட்டும் அனுமதி (ரயில், பஸ்) பாதுகாப்பு/மருத்துவ துறை
தொடர்பான எமர்ஜென்சி சேவை வாகனங்களுக்கு மட்டும் விதிவிலக்கு.
6.நாட்டில் உள்ள 18 வயது நிறைந்த ஒவ்வொரு ஆண் பெண்ணுக்கும் இலவச
சைக்கிள். சைக்கிள்களுக்கு சாலைகளில் மெயின் ட்ராக்.
7.பாலியல் தொழிலுக்கு சட்ட அனுமதி.

பாகம்:2
மத்திய பட்ஜெட்டில் அடுத்த பெரிய ஒதுக்கீடு பாதுகாப்பு துறைக்கு மட்டுமே.
1.பாக்கிஸ்தான்,சீனா,பங்களா தேஷ் ஆகிய நாடுகள் உரிமை கோரி வரும் பாரத நில
பாகத்தை ஐ. நா செயல்பாடுகளுக்கு மட்டும் என ஒதுக்கி அவற்றின் பாதுகாப்பை
ஐ.நா பாதுகாப்பு சபை ஏற்க ஏற்பாடு.
2.நக்சல்பாரிகளின் ஆதிகத்தில் உள்ள இந்திய மாவட்டங்களில் அரசின்
வளர்ச்சி/சமூக நல திட்டங்களை நக்சல் ஆதரவாளர்களாய் முத்திரை குத்தி
இருக்கும் மனித உரிமை கழகங்கள் செயல்படுத்துமாறு செய்தல்.

பாகம்:3
1.அரசு இயந்திரத்திலான ஊழல்/அலட்சியம்/பொறுப்பின்மையை ஒழித்தல். அரசு
நிர்வாக செலவை 50% வரை குறைத்தல்.
2.மத்திய,மானில அரசு ஊழியர்கள் அனைவருக்கும் மருத்துவ,சைக்கோ மெட்ரி
டெஸ்ட். கடந்த 10 வருடங்களில் ஏற்பட்டுள்ள மாற்றங்கள் மீது ஒரு தேர்வு
.இவற்றில் தோற்றவர்களுக்கு கோல்டன் ஷேக் ஹேண்ட். இவர் தம் வாரிசுகளில்
தகுதி உடையோருக்கு வாய்ப்பு.
3.அரசு துறையிலான காலியிடங்களையும்/மேற்படி தேர்வுகளில் தோற்றவர்களால்
காலியான இடங்களையும் டெண்டர் முறையில் நிரப்புதல் ( தேவையான தகுதி+
அதிகபட்ச குறைந்த ஊதியம்)
4.சனி,ஞா கிழமைகள்,சுதந்திர நாள்,குடியரசு தினம் தவிர்த்த அனைத்து ஓய்வு
நாட்களும் ரத்து. வருடத்தில் 11 வருடங்கள் தொடர்ந்து பணி
புரிந்தவர்களுக்கு ஊதியத்துடன் கூடிய 1 மாத ஓய்வு .
4.ஏரி,குளங்கள்,நீர்நிலைகளை பேராசை மற்றும் சுய நலத்துடன்
ஆக்கிரமித்துள்ளவர்களின் விவரங்களை சேகரித்து ராணுவம் மூலம் மீட்டல்.
5.வாய்க்கால்களை ஆக்கிரமித்துள்ளவர்கள் அண்டர் கிரவுண்டில் தம் சொந்த
செலவில் அவற்றை நிர்மாணித்து தர உத்தரவு.
6.ஒவ்வொரு குடிமகனும் ஆன்லைன் மூலம் தனது சொந்த விவரங்களை அரசுக்கு
கிடைக்க செய்யும் ஏற்பாடு. (சமூக,பொருளாதார நிலை) .எவ்வித கிராஸ்
செக்கும் இல்லாமல் இவற்றின் அடிப்படையில் அரசு சமூக நல,முன்னேற்ற
திட்டங்களில் வாய்ப்பு.
ஆனால் தவறான தகவல் தந்தவர்களுக்கு கடும் தண்டனை உண்டு என்பதை முன்
கூட்டியே பெரிய அளவில் மக்களுக்கு தெரிவித்தாக வேண்டும்.
பிறகு அரசு தன் வேகத்தில் 3 மாதத்தில் கிராஸ் செக் செய்து போலிபயனாளிகளை
கடுமையாக தண்டிக்க வேண்டும்.
7.சாலை நிர்மாண பணிகள் பிளாஸ்டிக் கழிவுகள் மூலமே நடக்க வேண்டும். புதிய
சாலைகள் அமைப்பதை விட ரயில்வே பாதைகளை விரிவு படுத்த வேண்டும்.
8. நீதிமன்றங்கள் வருடம் முழுதும் 24 மணி நேரம் ஷிஃப்ட் முறையில் பணி
செய்யும் ஏற்பாடு.
9.மத நிறுவனங்கள் படிப்படியாக மத ரீதியிலான நடவடிக்கைகளை
குறைத்துக்கொண்டு நாட்டு முன்னேற்றத்துக்கு ஒத்துழைக்க ஏற்பாடு .
10.பிரபல புண்ணிய சேத்திரங்கள், பெரிய ஆலயங்கள்,மடங்கள் ,ப்ரேயர் ஹால்ஸ்
சோலார்/விண்ட் மில் – பயோகியாஸ் மூலம் மட்டுமே கியாஸ்/மின்சாரம்
தயாரிக்கும் ஏற்பாடு . சுற்றுப்புற ஏரியாவுக்கும் வினியோகம்.
11.உள்ளூர் காய்கறி மார்க்கெட்/மட்டன் மார்க்கெட்/பூ மார்க்கெட் எதிரில்
வங்கிகள் எஸ்.டி.டி பூத் கணக்காய் பிரத்யேக கவுண்டர் திறந்து நடை பாதை
வியாபாரிகள், சிறு வியாபாரிகளுக்கு டெய்லி லோன்.

பாகம்:4
1.நாட்டின் 10 கோடி நிருத்யோகர்களை கொண்டு சிறப்பு ராணுவம். அதன் மூலம்
நீர்வழி சாலைகள் -நதிகள் இணைப்பு .
2.கிராமங்கள் முதல் நாடு தழுவிய விவசாயிகள் சங்கம் அமைப்பு . விவசாய
நிலங்களை லீஸ் அடிப்படையில் மேற்படி சங்கங்களுக்கு அளித்து கூட்டுறவு
பண்ணை விவசாயம்.
3.மேற்படி சிறப்பு ராணுவத்தில் ஒரு பகுதியை கொண்டு விவசாய உற்பத்திகளை
பாதுகாக்க தேவையான கிடங்குகள்/கோல்ட் ஸ்டோரேஜ் , வி.உற்பத்திகளை கொண்டு
செல்ல தேவையான சாலை/ரயில் பாதைகள் நிர்மாணம்.
4.நதிகள் இணைப்பு திட்டத்தில் முதலீடு செய்யும் அன்னிய நாட்டு
நிறுவனங்களுக்கு மட்டும் இந்தியாவில் முதலீடு செய்யும் வாய்ப்பு.
5.முழுமையான மதுவிலக்கு. மது அடிமைகளுக்கு கொக்கோ கோலா மாதிரியான
மெஷின்ஸ் மூலம் அடக்கவிலைக்கே மது.
6.ஒவ்வொரு மாணவனும் தன் உடல்,மனம்,புத்தி
,குடும்பம்,சமூகம்,மானிலம்,தேசம்,உலகம் பற்றிய விழிப்புணர்வை பெற்று தன்
சொந்த கால்களில் நின்று குடும்பம் முதல் உலகம் ஈறாக பயன் பெறும்படி
வாழும்படி செய்யும் கல்வி முறையை அமல் செய்தல் . ஏதேனும் கோடை விடுமுறையை
இதற்கு பயன்படுத்தலாம். விடுமுறையில் ஒவ்வொரு மாணவனும் நதிகள் இணைப்பில்
பங்கேற்கும்படி செய்யலாம்.
7.கல்வி அளித்த நிறுவனமே மாணவர்களுக்கு வேலை வாய்ப்பும் வழங்கும் சட்டம்
8.கடல்களில்,நதிகளில், நீர் நிலைகளில் கழிவு நீரை விடும் தொழிற்சாலைகளுக்கு தடை .
9.மின் தேவைகளில் 50 சதம் சோலார்,விண்ட் மில்,பயோ கியாஸ் மூலம் மட்டுமே
சேகரிக்கும் ஏற்பாடு .
10.போலீஸ் துறையிலான காலியிடங்களை உடனடியாக நிரப்புவதோடு -மேலும் 2
மடங்கு வேலையிடங்களை ஏற்படுத்தி நிரப்பியாக வேண்டும். ஷிஃப்ட் முறை
கடுமையாக அமல். ஒவ்வொரு போலீஸ் ஸ்டேஷனிலும் சிசி கேமரா ஏற்பாடு +வெப்
காஸ்டிங்.
11.போலீஸ் துறை ஆரம்ப கட்ட விசாரணை எஃப்.ஐ.ஆர் போட்டு,ஆதாரங்களை
சேகரிப்பதோடு நின்றாக வேண்டும்.தண்டனை வாங்கிதர வேறு அமைப்பை ஏற்படுத்த
வேண்டும். இதுவும் ஷிஃப்ட் முறையில் 24 மணி நேரம் இயங்க
வேண்டும்.
என் யோசனைகள் பிடித்திருந்தால் நண்பர்களுக்கும் ஷேர் பண்ணுங்க. இதுல எதுனா பிடிக்கலின்னா ஏன் பிடிக்கலன்னு கமெண்ட்ல சொல்லுங்க. திருத்திக்கறேன்


..com @ Rs.599

கள்ளனை நம்பினாலும்...--புல்ஸ்ஸ்ட்ரீட். டி.ஏ.விஜய்



 இப்படி ஒரு பழமொழியை நீங்கள் நிச்சயமாகக் கேள்விப்பட்டிருந்திருப்பீர்கள்.
 'கள்ளனை நம்பினாலும் குள்ளனை நம்பாதே'
 இந்த பழமொழியைக் கேட்டதும் குள்ளமாக இருக்கிற யாரைப் பார்;த்தாலும் அந்த ஆசாமியை நம்பக்கூடாது.போட்டுக் கொடுக்கும் பேர்வழியாக இருப்பார் என்ற எச்சரிக்கை உணர்வூ உங்களுக்கு வந்திருக்கக் கூடும்.நடைமுறையிலும் உங்களது அலுவலகத்திலும் இது போன்ற சராசரிக்கும் குறைவான உயரமுடைய மனிதர்கள் மேலதிகாரிகளிடம் மற்றவர்களைப் போட்டுக் கொடுப்பவர்களாகவூம் தனது காரியத்தைச் சாதித்துக் கொள்ள என்ன வேண்டுமானாலும் செய்பவர்களாகவூம் இருப்பார்கள்.
 இதையே இப்போது சரியான அர்த்தம் என்ன என்று பார்ப்பதோடு இது ஷேர் டிரேடிங்கில் எப்படி பிரதிபலிக்கிறது என்றும் பார்ப்போம்.
 கள்ளன் என்றால் யார்?
 திருட்டுத்தனம் நிறைந்தவன் கள்ளன்.திருடுபவன்.நாசவேலைகளைச் செய்பவன்.சட்டத்திற்கு புறம்பான காரியங்களைச் செய்பவன்.குறிப்பாக குறுக்குவழியில் முன்னேறிச் செல்பவன்.
 இவனைத்தான் கள்ளன் என்கிறௌம்.
 இது வேறு யாருமல்ல.
 ராகு என்ற கிரகம்தான் இங்கே கள்ளனாகவூம் திருட்டுத்தனம் மிக்கவனாகவூம் குறுக்குவழியில் குபேரனாக்குபவனாகவூம் இருக்கிறான்.
 ஆக ராகுவை நம்பலாம்.
 ராகு உங்களது சுயஜாதகத்தில் எந்த இடத்தில் இருந்தாலும் எத்தனை மோசமான நிலையில் உங்களது ஜாதகத்தில் ராகு இடம் பெற்றிருந்தாலும் ராகுவை நம்பினால் அவன் உங்களை கை விட மாட்டான்.எப்படியாவது சண்டித்தனம் செய்தோ மாய்மாலம் செய்தோ மாயமந்திரம் போட்டது போல குறுக்குவழியில் உங்களை குபேரனாக்கியே விடுவான்.
 அதனால் ராகுவை அவன் எப்படியிருந்தாலும் நம்புங்கள்.
 அதாவது கள்ளனை நம்பினால் கை விட மாட்டான்.
 சரி குள்ளன்?
 உயரம் குறைவானவன்.வெளிச்சமில்லாதவன்.அதாவது இருட்டாக கருப்பாக இருப்பவன்.குள்ளமாக இருப்பதால் மெதுவாக நடப்பவன்.யாரைச் சொல்கிறேன் என்று புரிகிறதா?
 சனி கிரகம்தான் குள்ளன்.
 சனி உங்களது சுயஜாதகத்தில் எந்த நல்ல இடத்தில் இருந்தாலும் ஏன் லக்னாதிபதியாகNவூ இருந்தாலும் அவனை எந்த நல்ல கிரகம் பார்த்தாலும் கூட சனி நம்ப வைத்து கழுத்தறுத்து விடுவான்.அடுத்தவரை ஆட்டிப் படைத்து கஷ்டப்படுத்தி கதற வைப்பதில் சனிக்கு நிகர் சனிதான்.
 சனிதிசையில் படாதபாடு பட்டுக் கொண்டிருப்பவர்களைக் கேட்டால் கதை கதையாகச் சொல்வார்கள்.
 ஆக சனி என்பவன் கெட்டவனே.
 எனவே குள்ளனை நம்பினால் குழி பறிக்காமல் விட மாட்டான்.
 சரி என்ன புரிகிறது?
 எப்படியாவது நேர்வழியில் முன்னேற வேண்டுமென்றால் அதெல்லாம் இந்த கலியூகத்தில் நடக்காது.முடிந்தவரை நல்லவனாக இருப்பதை விட வல்லவனாக ஸ்மார்ட்டாக முன்னேற வேண்டுமென்றால் ராகுவைத்தான் பலமாகப் பிடித்துக் கொள்ள வேண்டும்.
 ராகுவைப் பிடித்துக் கொள்ள வேண்டுமென்றால் அம்மனை வணங்கலாம்.ஆதிசேஷனுடன் கூடிய பெருமாளை வணங்கலாம்.
 சனியை?
 அந்தப் பக்கமே தலை வைத்துப் படுக்க வேண்டாம்.
 இப்போது ஷேர் டிரேடிங்கிற்கு வருவோம்.
 கள்ளனை நம்பினால் கட்டாயம் லாபம் உண்டு.
 ஷேர் டிரேடிங்கில் யார் கள்ளன்?
 திருட்டுத்தனமாகவூம் நேர்மைக்கு எதிரான முறையிலும் ஸ்பெகுலேட்டிவ் தன்மை கொண்டதாகவூம் ஆபரேட்டர்களால் ஏற்றி விடப்படுகிற ஒரு சில பங்குகள்தான் கள்ளன்.அதாவது கள்ளபார்ட் ஷேர்கள்.
 இவ்வித ஆபரேட்டட் மற்றும் ஸ்பெகுலேட்டிவ் ஷேர்களில்(உதாரணம் எய்ஷர் மோட்டார்ஸ்) முதலீடு செய்பவர்களை ராகு கோடீஸ்வரனாக்காமல் விட மாட்டான்.
 சரி குள்ளன் யார் ஷேர் டிரேடிங்கில்?
 அதாவது குள்ளத்தனமாக ஷேர்கள் எவை?
 சின்ன விலையில் டிரேடாகிற மெல்ல மெல்ல நகர்கிற அனைத்து பென்னி ஸ்டாக்குகளும் குள்ளத்தனமான சின்னத்தனமாக பங்குகள்தான்.பத்து ரூபாய்க்கு குறைவான விலையில் கிடைக்கிற(ஸ்பெகுலேட்டிவ் தன்மையல்லாத எந்த ஷேராக இருந்தாலும்) ஷேர்கள் எல்லாமே அதில் நீங்கள் போட்ட முதலீட்டை முழுக்கிக்கொண்டு அப்படியே கிடப்பவை(உதாரணம் ரடான்மீடியா வொர்ஸ் எஸ்ஆர்ஜி இன்ஃபோடெக்)
 ஆக கள்ளனை நம்பினாலும் குள்ளனை நம்பக்கூடாது.

பி.கு:இதில் உதாரணமாக குறிப்பிட்டுள்ள நிறுவனப்பங்குகள் ஒரு சுவாரஸ்யத்திற்காகக் குறிப்பிடப்பிட்டவை.அந்த நிறுவனப்பங்குகள் மீதான ஆய்வாகவோ முதலீட்டுச் சிபாரிசாகவோ நாம் பரிந்துரைக்கவில்லை.நாம் குறிப்பிட்டுள்ள அனைத்தும் டிஸ்க்ளைமருக்குட்பட்டவையே.http://bullsstreetdotcom.blogspot.in

எக்ஸ்பயரி தின ஆஃப்ஷன் ஸ்ட்ராட்டஜிகள் --புல்ஸ்ஸ்ட்ரீட் டி.ஏ.விஜய்

அமெச்சூர் ஆஃப்ஷன் டிரேடர்கள் எக்ஸ்பயரி தினம் வருகிறதென்றாலே அச்சத்துடன் இருப்பார்கள்.ஆனால் இந்த எக்ஸ்பயரி தினத்தில் மட்டுமே லட்சக்கணக்காக ரூபாய்களை லாபமாக அடையக் கூடிய விதத்தில் குஜராத் மாநிலத்தில் பல டிரேடர்கள் (அவர்களில் சிறுவர்களும் பெண்களும் உண்டு) இருக்கிறார்கள்.சின்னஞ்சிறு முதலீட்டை வைத்துக் கொண்டு அசால்டாக எக்ஸ்பயரி தினத்தன்று லாபத்தை பல மடங்கு லவட்டி விடுவார்கள்.
 எக்ஸ்பயரி தினத்தன்று வருகிற டிரேடிங்கிற்கு என்றே சில ஸ்ட்ராட்டஜிகள் உள்ளன.இவை எனது அனுபவத்தில் கண்டுபிடித்தவை.
 சில பங்குகளும் இருக்கின்றன.எக்ஸ்பயரி தினத்தன்று சக்கை போடு போடுபவைகளான அந்த பங்குகள் இருக்கின்றன.அவற்றை கண்டுபிடித்து எப்போதுமே ஒரு லிஸ்ட் வைத்துக் கொள்ள வேண்டும்.எக்ஸ்பயரி தினத்தன்று நேரத்தை மட்டுமே ஸ்டாப்லாஸாகப் போட வேண்டும்.
 அரை மணி நேரம் என்பது ஸ்டாப்லாஸாக இருக்கட்டும்.ஆனால் சரியான ஸ்ட்ராட்டஜியாக இருந்தால் பத்து நிமிடத்திலேயே உங்களது டார்கெட் அச்சீவ் ஆகி விடும்.
 நாளை  இந்த ஆட்டத்தை ஆட உங்களை தயார்படுத்திக் கொள்ளுங்கள்.

அடியெடுத்து நகர்கிறது சந்தை... புல்ஸ்ஸ்ட்ரீட் டி.ஏ.விஜய்


நேற்றைய சரிவிற்கு பின்னால் சந்தை விழுந்து விடுமோ என்ற பதைபதைப்பு அனைவருக்கும் இருந்துள்ளது இன்றைய மார்க்கெட்டின் துவங்க நிலையில் தென்பட்டது.பாசிட்டிவ்வாகவே  துவங்கியதற்கு காரணம் உலகக் காரணிகள் நன்றாக இருந்ததுதான் காரணம்.அதனால் சின்னச் சின்னதாக ஒவ்வொரு நிலையிலும் பையிங் இருந்து கொண்டே இருந்தது.
  வங்கிப் பங்குகளின் இன்டக்ஸ் இன்று ஒரேயடியாக மேலே சென்றிருந்தாலும் தனிப்பட்ட வங்கிப் பங்குகளில் பெரிய மொமன்ட்டம் காணப்படவில்லை.எஸ்பிஐ வங்கியின் காலாண்டு முடிவினை சந்தை எதிர்பார்த்துக் கொண்டிருப்பதும் ஒரு காரணம்.தனியார் வங்கிப் பங்குகளில் பெரிதும் எதிர்பார்க்கப்பட்ட ஐசிஐசிஐ வங்கி பெரிய லாபத்தை டிரேடர்களுக்குத் தரவில்லை.மைக்ரோ டிரேடிங்கிற்கு மட்டுமே ஐசிஐசிஐ இன்று பயன்பட்டது.யெஸ் மட்டுமே பெரிய லாபத்தை கொண்டு வந்து தந்தது.
  அடுத்த வாரத்தை நோக்கிய நகர்விலேயே சந்தை சென்று கொண்டிருக்கிறது.அடுத்த வாரம் எஃப்அன்ட்ஓ எக்ஸ்பயரி வேறு இருப்பதாலும் டாலர் விலை உயர்ந்து கொண்டே இருக்கும்போது கச்சா எண்ணை விலை தாழ்ந்து கொண்டே இருப்பதால் ஒரு விதமான ஸ்விங் டிரேடிங்கிற்கு மார்க்கெட்டும் நிஃப்டியூம் தன்னை தயார் செய்து கொண்டிருக்கின்றன.
 எனவே நிதானமாக அதே சமயம் வேகமாக முடிவெடுத்து ஒரே பங்கில் டிரேடிங் செய்து கொண்டிருக்காமல் வலையை அகல விரித்து வீசுவது போல பலவிதமான பங்குகளிலும் டிரேடிங் செய்து கொண்டிருந்தால் குறைவில்லாத லாபம் கிடைக்கும்.http://bullsstreetdotcom.blogspot.in

கதவை திற காசு வரட்டும் - 8 புல்ஸ்ஸ்ட்ரீட் டி.ஏ.விஜய்




 கோடீஸ்வரர் ஆவதற்கோ கோடி கோடியாக பணத்தை சம்பாதிப்பதற்கோ குறுக்கு வழிகள் ஏதும் இருக்கிறதா என்று கேட்டால் அப்படி ஏதும் கிடையாது என்பதே உண்மை.கடின உழைப்புடன், கடுமையாக பாடுபட்டால் பணத்தை நிறைய சேர்க்கலாம் என்று முந்தைய தலைமுறை ஆட்கள் சொல்லக் கேட்டிருக்கலாம்.
 ஆனால் சற்று வித்தியாசமாக யோசித்தால் கடுமையாக பாடுபடாமல் கடின உழைப்பென்று ஏதும் செய்யாமல் பணத்தை சம்பாதிக்கலாம்.அது கோடி கோடியாக வருகிறதோ இல்லை அதற்கும் குறைவாக வருகிறதோ என்பது அவரவர் எடுக்கும் நடவடிக்கையைப் பொறுத்தது.

 அதென்ன டெக்னிக்?
 அழகாக இருந்தால் யாரையூமே ஒரு முறை திரும்பிப் பார்த்துச் செல்லத் தோன்றும்.இது இயற்கை.மிக அழகாக இருந்தால் மீண்டும் ஒரு முறை திரும்பிப் பார்த்துச் செல்லத் தோன்றும்.சூப்பர் அழகாக இருந்து விட்டால் இன்னொரு முறை பார்க்கமாட்டோமா, ஃப்ரன்ட்ஸ் ரிக்வெஸ்ட் கொடுத்து விட மாட்டோமா என்று ஏங்கச் செய்யூம்.
 இங்கே அழகு என்பது ஒரு துரண்டில் போல செயல்படுகிறது.
 பணம் சம்பாதிப்பதற்கும் நிறைய பணத்தை கவர்வதற்கும் ஒரு துரண்டில் தேவைப்படுகிறது.
 அதென்ன துரண்டில்?
 இருக்கிறது.அந்த துரண்டில் உங்களுக்குள்ளேயே இருக்கிறது.உங்களுக்குத் தெரியாமலேயே இருக்கிறது.நீங்களே கூட அதை அறிந்திருக்க மாட்டீர்கள்.
 அது என்ன என்று பார்ப்போம்.
 நீங்கள் வெளியில் நாலு பேர் மதிக்கும்படி ஒரு பார்ட்டிக்கோ விழாவிற்கோ வேறு ஏதாவது அவூட்டிங்கிற்கோ செல்ல வேண்டுமானால் எப்படி செல்வீர்கள்.
 நன்றாக உடையணிந்து பர்ஃப்யூம் அடித்துக் கொண்டு உற்சாகமாக கிளம்பி விடுவீர்கள்தானே.
 இங்கே கீவேர்ட்ஸ் அதாவது குறிச்சொற்களாக இருப்பது இரண்டே வார்த்தைகள்தான்.
 ஒன்று:நன்றாக.
 இரண்டு:உற்சாகமாக.
 ஆக நன்றாக உடையணிந்தால் (அஃப்கோர்ஸ் பாக்கெட்டில் உள்ள டெபிட் கார்டில் நிறைய பணமும் இருந்து விட்டால்) உற்சாகம் தானே வந்து விடுகிறது.
 இங்கே நான் சொல்லப்போவது நன்றாக 'உடையணிந்தால்' என்பதற்கு பதிலாக நன்றாக 'மனம் அணிந்தால்' என்பதுதான்.
 அதென்ன புதிதாக?
 மனத்தை அணிவதா?மனம் என்ன  உடை போன்று அணியக் கூடிய ஒன்றா?அப்படி இல்லைதான்.நான் சொல்ல வருவது உடையைக் கொண்டு உடலை அலங்கரித்துக் கொள்வது போல வேறு எதையோ கொண்டு 'மனதை' நன்றாக 'அலங்கரித்துக் கொள்ள' வேண்டும் என்பதுதான்.
 ஒரே வார்த்தையில் மனதை உற்சாகமாக வைத்துக் கொள்ள சொல்கிறீர்கள்.அவ்வளவூதானே என்று நீங்கள் கேட்கலாம்.அப்படி இல்லை.மனதை உற்சாகமாக வைத்துக் கொள்ளுங்கள்.நம்பிக்கையோடு பாசிட்டிவ்வாக வைத்துக் கொள்ளுங்கள் என்று ஏற்கனவே ஆள் ஆளுக்கு சொல்லி விட்டார்கள்.
 நான் சொல்வது-
 நீங்கள் கோடிக்கணக்கான சொத்துக்களுக்கு அதிபதியானால் எப்படி ஒரு மிடுக்காக இருப்பீர்களோ அதைப் போல நடிக்க வேண்டாம்.உங்கள் எதிரில் இருப்பவர்கள் உங்களைப் பார்ப்பவர்கள் இவர் ஏதோ ஒரு பெரிய ஆள் என்று நினைக்க வைப்பது போன்ற உடல்மொழியை மனதால் உருவாக்குங்கள்.
உரக்க இரைந்து பேசாதீர்கள்.கண்களில் ஒரு எனர்ஜி தெரியட்டும்.பரபரவென்று நடக்காதீர்கள்.மெதுவாக நடந்து பாருங்கள்.யார் அருகே வந்து பேசினாலும் ஏற்கனவே பலமுறை பேசியது போல உரையாடலை தொடருங்கள்.அப்புறம் எங்கே உட்கார்ந்திருந்தாலும் எதுவோ பெரிதாக உங்களுக்கு கிடைக்கப்போகிறது என்றும் அதை வாங்கிக் கொள்ள வந்திருப்பது போலவூம் அல்லது யாரோ மிகப்பெரிய ஆளான உங்களை யாரோ சந்திக்க வருவது போலவூம் அதற்காக காத்திருப்பது போலவூம் உங்களது டேப்லட் பிசியிலோ அல்லது ஸ்மார்ட்ஃபோனிலோ பிசியாக இருங்கள்.
 இன்னும் சுருக்கமாக நான் உங்களுக்குச் சொல்ல வேண்டுமென்றால் உடல்மொழி(body language)என்று ஒன்று இருப்பது போல 'மனமொழி'யை(mind language)என்றும் ஒன்று இருக்கிறது.அந்த 'மனமொழி' கச்சிதமாக பயன்படுத்துங்கள்.
 அப்புறம் நிஜமாகவே
 நீங்களும் ஒரு கோடீஸ்வரர்தான்.
 http://bullsstreetdotcom.blogspot.in

கோச்சார கிரகநிலைகள் பங்குச்சந்தையை பாதிக்கிறதா?


சுருக்கமாகக் குறிப்பிட்டு சொல்ல வேண்டிய விஷயங்கள் இரண்டு ஜோதிடரீதியாக ஷேர் மார்க்கெட்டில் இருக்கிறது.பெரிய கிரகங்கள் என்று சொல்லப்படுகிற இரண்டுகிரகங்களான சனியூம் குருவூம் அந்த கிரகங்கள்.
  சனியின் தற்போதைய நிலை விருச்சிகத்தில் சனி உட்கார்ந்திருக்கிறது.விருச்சிகத்தின் கிரகம் செவ்வாய்.இந்த கிரகம் பூமிகாரகன் என்று அழைக்கப்படும்.சனி ஒரு மந்தமான மற்றும் விவகாரமான கிரகம்.'கெட்டேடே பய சார் இந்த சனி' என்று தாராளமாகச் சொல்லி விடலாம்.மேலும் பொதுவாக சனியூம் செவ்வாயூம் இணைந்தால் இதனை இரு பாவகிரகங்களின் இணைவூ என்றும் இந்த இணைவூ ஒரு பாதகமான பலனைத்தான் தரும் எனலாம்.
 எனவே சனி செவ்வாய் காம்பினேஷன் தற்போது இருப்பதால்தான் மத்திய அரசாங்கம் பெரும் முயற்சி செய்து வரும் நிலசீர்திருத்த மசோதா தள்ளிக் கொண்டே போகிறது.அது மட்டுமல்லாமல் இந்த பாவகிரகங்களின் காம்பினேஷன் இந்த நிலசீர்திருத்த மசோதா காரணமாக மத்திய அரசிற்கு சிக்கலையூம் அவப்பெயரையூம் ஏற்படுத்தும் நிலைமை காணப்படுகிறது.இது ஒரு பட்டாம்பூச்சி விளைவூ போல பங்குச்சந்தையிலும் பாதிப்பை ஏற்படுத்தும்.பாதிப்பு என்றால் மேலும் கீழுமான ஏற்ற இறக்கத்தைக் கொண்டு வரும்.அது எப்படி இருக்குமென்றால் சந்தை கீழே சரியூம்போது கரக்க்ஷன் வந்து விட்டதோ என்று நினைக்கத் தோன்றும்போதே மறுபடியூம் சந்தை மேலே ஏறும்.சந்தை மேலே ஏறுகிறதே என்று சந்தோஷப்படும்போதே தலையில் குட்டு வைப்பது போல சந்தையில் ஒரு சரிவூ ஏற்படும்.இந்த இழுபறி மாறி மாறி ஏற்பட்டுக் கொண்டே இருக்கும்.
 தற்போதைய நிலையில் குரு பகவான் கடகத்திலிருந்து விருச்சிகத்திலுள்ள சனியை பார்த்துக் கொண்டிருப்பதால்தான் பெரிய பாதகமான சூழல் ஏதும் ஏற்படாமல் சந்தை தப்பித்துக் கொண்டே வந்திருக்கிறது.வருகிற சில மாதங்களுக்குப் பிறகு ஏற்படக்கூடிய குருப்பெயர்ச்சிக்குப் பிறகு சனிக்கு குருவின் பார்வை கிடைக்காமல் போய் விடும்.அதனால் சனி தன் அட்டகாச திருவிளையாடலை ஆரம்பித்து ஆட்டம் போட ஆரம்பித்து விடும்.
  இந்நிலையில் குருப் பெயர்ச்சிக்கு பிறகு குரு சிம்மத்தில் அமர்ந்து தனுசை பார்க்கப்போகிறது.அதாவது தன் வீட்டை தானே பார்க்கப் போகிறது.இப்படி ஒரு சூழ்நிலை அமைவது பொதுத்துறை வங்கிகளுக்கு அதாவது அரசாங்க உடமையாக்கப்பட்டுள்ள வங்கிகளுக்கு மிகப்பெரிய வரப்பிரசாதம்.இந்த வங்கிப் பங்குகள் வெகுவாக விலை ஏறும்.குறிப்பாக பாங்க்ஆஃப்பரோடா வங்கி மிகப்பெரிய உச்சம் பெறும்.அதெப்படி பாங்க்ஆஃப்பரோடா வங்கி மட்டும் உச்சம் பெறும் என்பதற்கு ஒரு தனிப்பட்ட காரணம் இருக்கிறது.அதை இன்னொரு தனிப்பதிவாக எழுதினால்தான் சுவாரஸ்யமாக இருக்கும்.
 அது மட்டுமல்லாமல் கமாடிட்டி சந்தையில் தங்கத்தின் விலை மறுபடியூம் விறுவிறுவென்று ஏறும்.http://bullsstreetdotcom.blogspot.in

உங்கள் மின்னஞ்சலை பதிவு செய்து புதிய செய்திகளை உடனடியாக அடையுங்கள்

Twitter Delicious Facebook Digg Stumbleupon Favorites More