Latest News

தேவை நூலகமா?மருத்துவமனையா?

                               
_________________________________________

அண்ணா நூற்றாண்டு நூலகம் மிகப்பெரிய அளவில் கோடிக்கணக்கில் பணத்தை செலவிட்டு கட்டப்பட்டுள்ளது.அதில் உள்ள புத்தகங்கள் தோகையும் கோடியைத்தொடும்.
பல தலைப்புகளில் ,பல அரிய புத்தகங்கள் பலமொழிகளிலும் கிடைக்கும்.
ஆராய்ச்சி மாணவர்கள் மட்டுமின்றி மேல் நிலைக்கு படிக்கும் மாணவர்களுக்கும் இந்நூலகம் பயன்தருகிறது.
இங்கு வருகை தந்த பல நாட்டவர்களும் இந்நூலகத்தைப் பார்த்து வியந்து பாராட்டியுள்ளனர்.
சமீபத்தில் அப்படி பாராட்டு தெரிவித்தவர் அமெரிக்க கிளாரி கிளிண்டன்.
இது போன்ற நூலகத்தை இடமாற்றம் செய்வது என்ற பெயரில் இல்லாமல் ஆக்கத்தான் மாற்றம் 
என்ற பொருள் செய்தியாக்கப்படுகிறது.
முந்தைய ஆட்சியினர் செய்த வற்றை எல்லாத்தையும் மாற்றம் செய்வது தவறு.
நல்ல விடயங்களை மிக நன்றாக்க வேண்டும்.
ஏற்கனவே புதிய தலைமைச்செயலகம் மருத்துவமனையாக்கள் என்ற பெயரில் ஒதுக்கபட்டுவிட்டது.
அடுத்து இதுவும் மருத்துவமனையா?
இதற்கு செலவிடும் பணத்தில் ஏற்கனவே அடிப்படை வசதிகள் இல்லாமல் இருக்கும் மருத்துவமனைகளுக்கு வசதிகள்,மருத்துவ கருவிகள்,மருந்துவகைகளை வாங்கலாமே.?
இதை மருத்துவமனையாக்கும் ஆட்சியாளர்கள் சேலத்தில் முந்தைய ஆட்சியாளர்களால் உருவாக்கப்பட்டு நல்ல முறையில் பல வசதிகளுடன் இயங்கி வந்த சூப்பர் ஸ்பெஷாலிட்டி மருத்துவமனையை பொது மக்களின் பலத்த எதிர்ப்புக்கிடையில் மூடி விடக் காரணம் என்ன?
அது முந்தைய ஆட்சியாளர்கள் செய்த நல்ல காரியம் என்ற காழ்ப்புணர்ச்சிதானே?
   அறிவுச்சார் இடங்கள் டி.பி.ஐ.வளாகம் பக்கம் கன்னிமாரா நூலகம் பக்கம் இருக்க வேண்டும் என்று தான்
அண்ணாநூலகம் இடம் மாறுகிறது என்ற காரணம் மிக பலவீனமானது. 
ஏற்கனவே பெரிய நூலகமான கன்னிமாரா நூலகம் அங்கு இருக்கையில் மீண்டும் ஒரு நூலகத்தை அங்கே நிறுவுவது தேவை இல்லாதது. மேலும் டி.பி.ஐ.வளாகம் அருகில் மருத்துவ மனைதான் இல்லை .நீங்கள் கூறும் மருத்துவமனையை அங்கு நிறுவுவதுதான் பயன் உள்ளதாக இருக்கும்.
 எல்லா அறிவுசார் இடங்களும் ஒரே இடத்தில் அமைவது நல்லது என்றால்,சட்டமன்றம்,சட்டமன்ற உறுப்ப்னர் விடுதிதலைமைச்செயலகம் அனைத்து ஒருங்கே அமைந்த புதிய தலைமைச்செயலகம் கட்டிடத்தை எதற்காக இந்த அரசு மாற்றியது?
மாணவர்கள்,ஆராய்ச்சியாளர்கள்,பெண்கள்,குழந்தைகள்,ஊனமுற்றோர் போன்றோருக்கு வசதிகள் அமைக்கப்பட்ட பெரிய புகழைச்சம்பாதித்துக்கொண்டிருக்கும் அண்ணா நூற்றாண்டு நூலகத்தை மாற்றுவது மிகவும் காழ்ப்புணர்ச்சியான செயலாகவே அனைவராலும் உணரப்படும்.
அது தற்போதைய அரசு நடத்துபவர்களுக்கு பெருமை தராது.

Follow by Email

Recent Post