Latest News

அடிமை கவிதை

மங்காத தோல்விகளே…
உங்களுக்கு ஒரு சவால்
என் மனதை
வென்று
சோர்வடையச் செய்யுங்கள்
பார்க்கலாம் ?

சோதிக்கும் வேதனைகளே…
விதிகளின்றி
உங்களுக்கு ஒரு போட்டி.
எதையாவது செய்து
சிதையுங்கள்
அனலாக இருக்கும் என்
மனவலிமையை !

முரட்டுப் பெருமைகளே..
விரட்டி வந்தாலும் என்னை
முற்றுகையிட்டுச் சிறைப்பிடித்து
விற்கமுடியாது உங்களால் !

போதையான மகிழ்ச்சிகளே…
பாதை மாறி வந்து
உங்கள் மாய வலையில் சிக்கி
தங்கிவிடுவேன் என்று
கனவுகளில்
மனக்கோட்டை கட்டவேண்டாம் !


விலையற்ற பணிவே… 
தலை வணங்குகிறேன் !
நான்...
உன்னை ஏற்கனவே
போற்றி வழிபட்டு
ஏற்றுக்கொண்ட அடிமை !

--
விட்டுக்கொடுங்கள்.. விருப்பங்கள் நிறைவேறும்.
தட்டிக்கொடுங்கள்..தவறுகள் குறையும்..
மனம் விட்டுப் பேசுங்கள்..அன்பு பெருகும்..

அன்புடன்
சம்பத்குமார்
www.tamilparents.com

Follow by Email

Recent Post