Latest News

எங்கும் தங்கும் நீ !




பூமிக்கு
செயற்கைக் கோள் 
இல்லாமலே
விரிந்த வானில் இருந்து
வானவில் வண்ண 
 ஒலிபரப்பு

அந்தியிலே அடர்  சிவப்பு
சந்தியிலே இளம் சிவப்பு
மத்தியிலே நீல வெளிர்ப்பு
புல்வெளியிலே பச்சை செழிப்பு

அடடா என்ன வனப்பு
இயற்கையின்
இனிய படப்பிடிப்பு
விழி  பெற்றதின் 
பாக்கியச் சிறப்பு

ஆதவனும் நீயே தானோ 
 என என்  பிரமிப்பு
உன் செவ்விதழ் சிரிப்பில் 
என் கர்வ மிதப்பு

நிலவு அடுத்த 
படையெடுப்பு
குளிரில் தேடினேன் 
கனமான உடுப்பு
மனத்தில் வந்தது 
காதல் கொந்தளிப்பு
கனவில் நீ வந்தாயடா
என்னே என் களிப்பு

அறிவேனடா  அப்பக்கம் 
உன் மோகத் துடிப்பு
மணநாளில் கற்று களிப்போம் 
காதல் படிப்பு  
கட்டுப்பாடு  கொள்வோம்
மனவேலி தடுப்பு

அடுத்து
தென்றல் காற்று கலைத்தது
 சேலை மடிப்பு
அது உன் அவதாரமே என 
 என்  நினைப்பு
வெட்கத்தில் சிவந்தது
கன்னக்கதுப்பு
எனக்குள் சில்லென்ற
 ஓர் சிலிர்ப்பு

எதிலும் உன் முகமே 
இடம்பிடிப்பு
தாலி வேலி தானே 
சமுதாயத்தின்  மதிப்பு
அதுவரை கொள்வேன்
உறங்காத விழிப்பு
சகிக்கவில்லை ஊராரின் 
சொல் இடிப்பு

விரைந்து  நீ வருவாய் 
அறிந்து என் தவிப்பு
எக்காலமும் சாதி மதம் 
என காதலுக்கு எதிர்ப்பு
இவை எலாம் அறியுமோ 
நம் அன்பு இதய உறுப்பு
இப்பேதங்களுக்கு நம்
மெய்க்காதலே ஒரே  தீர்ப்பு

ஈன்றோர்  உணர்ந்து 
அனுமத்தித்தலே 
காதலரின்  விருப்பு
மணம்  முடிந்த பின் 
வேண்டாமே வெறுப்பு
உமிழ வேண்டாமே 
வார்த்தைகளில்  நெருப்பு

உணர்வோமே என்றும் 
நாம்  நம் பொறுப்பு
இறுதி வரை அன்பாய் 
வாழ்ந்து  காட்டினால்
அதுதானே நம் காதல் 
வாழ்வின் சிறப்பு !




Follow by Email

Recent Post