Latest News

நான் பதிவர் அறிமுகம் : திண்டுக்கல் தனபாலனும் பாட்ஷா ரஜினியும்

   தினம் ஒரு பதிவரை நான் பதிவர் அறிமுகம் பகுதியில் இனி தினந்தோறும் வாசியுங்கள் சகாக்களே!!!

பின்னூட்டத்தில் மேலும் அவர்களை உற்சாகப்படுத்துங்கள்..


   பதிவுலகில் தனக்கென்று ஓர் இடத்தை தக்க வைத்துக்  கொண்டவர்களில் மிகவும் சிலரே உள்ளனர். ஆர்வம் மிகுதியாலும், பொழுதுபோக்காகவும் வேகமாக பதிவு எழுதிய பலர் இன்று காணமல் போய்விட்டனர். என்னதான் பதிவு எழுதுவதற்காக அதிகம் யோசித்து மெனக்கெட்டாலும் யாருக்குமே அடையாளம் தெரியாமல் ஓரமாய் இருப்பவர்களும் அதிகம் பேர்.

இங்கே நாம் ரசித்த நபர் திண்டுக்கல் தனபாலன் அவர்கள்.

எந்த பதிவிற்கு சென்றாலும் அவர் பின்னூட்டம் எப்படியும் இருக்கும். பதிவுலகில் நீங்கள் இருக்கீன்றீர்கள் எனில் நிச்சயம் இவர் பின்னூட்டம் இல்லாமல் உங்கள் பதிவு முழுமை பெறாது.

திண்டுக்கல் தனபாலன்   http://dindiguldhanabalan.blogspot.com 

'' என்னதான்  நீங்க பன்னுறீங்க, ஆனா பின்னூட்டம் போட்டே பின்னுறீங்க '

    2011 அக்டோபர் மாதம் முதல் இவர் பதிவுலகில் காலடியை எடுத்து வைத்து தொடங்கியுள்ளார்.

கிட்டத்தட்ட 250 உறுப்பினர்கள் இவரை பின்தொடர்கிறார்கள் இத்தனைக்கும் இன்றுவரை ( பதிவிடும் நாள் 01.09.2012 சனி) 41 பதிவுகளை மட்டுமே பதிந்திருக்கிறார் என்றால் பார்த்துக்கொள்ளுங்களேன்.

ஒவ்வொரு பதிவிற்கு சென்று முழுமையாக படித்து சரியான பின்னூட்டங்களை இடுகிறார். மற்றவர்களை உற்சாகப் படுத்துவதன் மூலம் நாமும் உற்சாகம் அட்டையலாம் என்பதே இவ்வரது வார்த்தைகளில் வெடிக்கும் முத்துக்கள்,

சில சமயங்களில் பின்னூட்டம் போடுவதில் இவருக்கு சிக்கல்களும் இருக்கிறதாம். அப்படிப்பட்ட நேரங்களில் இவர் பாட்ஷா ரஜினியை போல உடனே ஆட்டோவை திருப்பிடுவாராம்.

தனக்கு மிகவும் மரியாதைக்குரிய நபர்களில் மிகவும் முக்கியமானவர்கள் 
வை.கோபாலகிருஸ்ணன் அய்யா மற்றும் வலைச்சரம் சீனா அய்யாவை குறிப்பிடுகிறார்.

தனது மகளே எனது முதல் வாசகி என்று செல்ல மகளையும் வலைத்தளத்தை எழுதப் பழக்கி வருகிறார்.

அனைவரிடமும் அன்பாக பழகும் விதமும் மற்றவர்களிடம் மரியாதையைக் காண்பிக்கும் விதத்திலும் இவருக்கு நிகர்  இவரே. 

வலைப்பதிவுகளின் வலிமையை உலகம் உணர வேண்டும் என்பதற்கு தன்னால்  ஆன உதவி எப்போதும் உங்களுக்கு உண்டு என்று தொழிற்களத்திற்கும் வாழ்த்துகளைத் தெரிவித்தார்.

இவர் போட்ட பதிவுகளில் தெய்வம் இருப்பது எங்கே என்ற பதிவை எழுவது தான் இவருக்கு மிகப்பெரிய சவாலாய் இருந்ததாம்.  

எப்படியோ பதிவுலகில் திண்டுக்கல் பூட்டிற்கும், தனபாலனுக்கும் என்றுமே தனி சிறப்பிருக்கும்.

Follow by Email

Recent Post