நான் பதிவர் அறிமுகம் : பேருந்து ஓட்டுனர் பரமேஸ்வரன்

   தமிழகத்தில் பேருந்து  ஓட்டுனர்களுக்கென்ற சில விதிமுறைகள் இருக்கிறது. சாலை பாதுகாப்பு என்பது மிக முக்கியம். இதில் ஓட்டுனர்களுக்கு தான் பெரும் பங்கு இருக்கின்றது. 

இங்கே நாம்  சாலையோட்டிகளின்  உயிருக்கு கருத்தில் கொண்டு இவரை அறிமுகப்படுத்த வேண்டியது கட்டாயமாக இருக்கிறது. அனைத்து பேருந்து ஓட்டுனர்களையும் மிஞ்சி இவர் மிக மிக வேகமாக செல்வதால் எக்கச்சக்கமான பின் விளைவுகளை மக்கள் அனுபவிக்க நேருகிறது. இனியும் இவர் இவ்வளவு வேகமாக ஓட்டினால் பதிவுலகமே திரண்டு வந்து பெரும் போராட்டத்தில் குதிக்க ஆரம்பித்துவிடும்.   அட யாரும் அவசரப்பட்டு அவரை திட்ட ஆரம்பிச்சுடாதீங்க.. நாம், அவர் பதிவிடும் வேகத்தை தான் சொன்னோம் பேருந்து ஓட்டும் வேகத்தை அல்ல..



      ஓரு அற்புதமான மனிதர். திரு.பரமேஸ்வரன்  அய்யா அவர்கள். கொங்கு தென்றல் என்ற வலைப்பூவை தற்போது எழுதி வருகிறார். கிட்டத்தட்ட 2011 ஜனவரி மாதத்திலிருந்து இவர் பரமேஸ் டிரவர் என்ற வலைப்பூவில்  பதிவுகளை எழுதி வருகிறார்.

ஈரோடு மாவட்டத்தை சேர்ந்த இவர் அரசு பேருந்து ஓட்டுனராக பணி புரிகிறார். இவர் பேருந்து மேலும், வலைப்பதிவுகள் மேலும் தீராத காதல் கொண்டவர்.

சாலை விதிகளை அனைவரும் சரியாக புரிந்து கொண்டு பின்பற்றினாலே பெரும்பாலான  விபத்துக்களை குறைக்க முடியும் என்று சாலை ஓட்டிகளுக்கு  தனது வலைப்பூ மூலம் அறிவுறுத்தி வருகிறார்.

தொழிற்களம் குழு இவரை நான் பதிவர் அறிமுகத்தில்  தெரியப்படுத்துவதற்காக நிச்சயம் பெருமை படுகிறது. காரணம் இவரிடம் பேசிய, போது இவரது உடனே பழகும், உதவும் குணமும், எப்போதும் துரு துருவென இயங்கும் தன்மையுமே ஆகும்.

மனிதனுக்கு அடிப்படை தேவைகள் எனப்படுவது,
  • உண்ண உணவு,
  • உடுத்த உடை,
  • இருக்க இருப்பிடம் என்று மற்றும் அல்லாது
  • போக்குவரத்து என்னும் நான்காவது அடிப்படை தேவை இருக்கிறது. என்று புதிய கோணத்தில் சிந்தித்ததும், அதன்படியே போக்குவரத்து குறித்து இவர் பதிந்து வரும் பதிவுகளும்  என்றுமே   படிப்பவர்களுக்கு ஆசானாக வீற்றிருக்கும்.

சாலையில் விபத்துகள் ஏற்படுவதற்கான பல்வேறான காரணங்களையும் அதற்கான தீர்வுகளையும் எளிய நடையில் சொல்வது இவரது தனித்தன்மை.

இன்னும் அதிகமான தகவல்களை இவரது தளத்தில் நீங்கள் பார்க்கலாம். இவரை போன்ற சமூக நோக்கத்துடனே தமிழில் பயணிக்கும் அனைவரையும் தொழிற்களம் குழு உற்சாகப்படுத்திடவே இந்த நான் பதிவர் அறிமுகம் பகுதி உருபெற்றிருக்கிறது.

நமது தொழிற்களம் வாசகர்களுக்கு ஒரு வேண்டுகோள். 

இந்த பகுதியில்  அறிமுகப்படுத்தும் ஒவ்வொரு பதிவர்களையும் கொடுக்கப்பட்டிருக்கும் இனைப்பின் வழியாக சென்று அவர்களது தளத்தில் இணைந்து, பின்னூட்டம் இட்டும் உற்சாகப்படுத்துங்கள். அது நீங்கள் அவர்களுக்கு தரும் மிகப்பெரிய சொத்து.

இன்னும் சுவையான தகவல்களுடன் நாளை வேறொரு சிறப்பு பதிவர் பற்றி காண்போம்

தொழிற்களம் குழு

14 comments:

பதிவர் அறிமுகம் பகுதி உருபெற்றிருப்பதற்கு பாராட்டுக்கள்.. வாழ்த்துகள்..

ஓரு அற்புதமான மனிதரை அறிமுகம் செய்து வைத்தமைக்கு தொழிற்களம் குழுமத்திற்கு மிக்க நன்றி...

சென்னை திருவிழாவில் அவரிடம் பேச முடியவில்லையே என்று வருந்துகிறேன்...

நல்ல ஆரம்பம் தொடரட்டும் வாழ்த்துகள்.

அம்மாவின் புகைப்படங்களை மின்னஞ்சலில் அனுப்பி வைக்கிறோம்.. தாமத்திற்கு மன்னிக்கவும்...

எனக்கு தெரிந்து நான் 2 மணி நேரத்திற்கு மேலாக இருந்தது இவரது வலைத்தளத்தில் மட்டும்தான், அவ்வளவு விஷயங்கள், இன்னமும் நிறைய படிக்காமல் இருக்கிறேன், அனைவருக்கும் அறிமுகப்படுத்திய தொழிற்களத்திற்கு நன்றி

பல்துறை சார்ந்தோரும் பதிவு உலகிற்கு வருவது நன்மைதான், ஐயாவிற்கு வாழ்த்துக்கள் , , தங்கள் சேவை தொடரட்டும், நன்றி

இப்படி அருமையாக பதிவரை அறிமுகப்படுத்தும் தொழிற் களம் தளத்திற்கு வாழ்த்துக்கள், தொடரட்டும் உங்கள் பணி, நன்றி

மிகவும் தெள்ளத்தெளிவாக பல விஷயங்களை தனது பதிவில் பதித்திருக்கும் இவரை, பதிவர் விழாவில் சந்திக்காமல் விட்டு விட்டோமே என்ற வருத்தப் படுகிறேன்.
தொழில்கலத்தின் முயற்சிகள் மேலும் மேலும் வளர வாழ்த்துக்கள்!

தொழில்களம் என்று படிக்கவும்.

கட்டுரையில் நிறைய எழுத்துப்பிழைகள் இருக்கின்றன. கொஞ்சம் edit செய்துவிட்டுப் போடவும் என்று எழுத நினைத்தேன்.

நானே தவறு செய்தபின் இப்படி எழுதலாமா கூடாதா?

தவறுகள் திருத்தப்பட்டன... அம்மா நைஸ் ஆ மேலே போட்ட பின்னூட்டத்தை நீக்கிடுங்க... அவ்ளோ தான்..

நல்ல பிள்ளையாட்டம் முகத்தை வச்சுக்கலாம்..

எப்படி யோசன..?

யோசனை சூ....ப்....ப்.. பர்!

வாழ்த்துக்கள்

நல்லதோர் அறிமுகம்.வாழ்த்துக்கள்

மரியாதைக்குரிய ஐயா,வணக்கம்.இன்றுவரை தங்களது பதிவில் என்னைப்பற்றிய விரபங்களை அறியாமல் சிறுபிள்ளைத்தனமாக இருந்தமைக்கு மிகவும் வருந்துகிறேன்.அதேபோல மரியாதைக்குரிய திண்டுக்கல் தனபாலன் ஐயா அவர்கள் உட்பட எனக்கு பின்னூட்டம் அளித்த அனைத்து பெரியோர்களுக்கும் எனது மனமார்ந்த வாழ்த்துக்கள்.நன்றிங்க!

Post a Comment

Twitter Delicious Facebook Digg Stumbleupon Favorites More