Latest News

நான் பதிவர் அறிமுகம் - வீடு திரும்பல்

இல்லாமற் போகுமோ சரித்திரத்தில் ஒரு சிற்றிடம் எனக்கு? 
என்ற வாசகத்தோடு நம்மை வரவேற்கும் ஒரு மிகச்சிறந்த தளம் தான் வீடுதிரும்பல்.

வீடு திரும்பல்னு சொன்னதுமே மோகன்குமார் தான் இன்றைய சிறப்பு நான்பதிவர் அறிமுக நாயகன்னு எல்லோருக்கும் நிச்சயமா புரிஞ்சிருக்கும்.

கிட்டத்தட்ட நான்கு இலட்டத்திற்கும் மேற்பட்ட  பக்க பார்வைகளையும் தாண்டி இவரது வலைப்பூ தமிழ் தளங்களிலே ஒரு சிறப்பான இடத்தை பிடித்துவைத்துள்ளது.

தொழிற்களம் நான் பதிவர் அறிமுகத்தில் வீடுதிரும்பல் மோகன் குமாரது அறிமுகம் சரியானது தான்.



     2008 மார்ச் மாதத்திலிருந்து வீடு திரும்பல் வலைப்பூவில் திரு.மோகனின் பயணம் ஆரம்பமாகியது.

வலைப்பூ இவரை பற்றியதா? அல்லது இவர் வலைப்பூவை பற்றியிருக்கிறாரோ என்று சொல்லும் அளவிற்கு இவரது பதிவுகள் சர சரவென வாசகர்களை அள்ளி குவித்திருக்கிறது.

வீடு திரும்பல் மோகனின் சிறப்பம்சமே எளிய நடையில் தனது பதிவை பிரபலபடுத்தி விடுவதுதான்.

    இட்லி சாப்பிட்டாலும் சரி இத்தாலிக்கு போயிட்டு வந்தாலும் சரி அப்படியே தந்து டிஜிட்டல் கேமாராவிற்குள் படம் பிடித்து உடனே அதை பதிவாகவும்  மாற்றிடுவார்.

குர்காவை கூட விட்டு வைக்கிறது இல்ல.. வர வர இவரது பகுதியில் வசிக்கிறவர்கள் வெளிய தலைகாட்டறதே இல்லை. வெளிய வந்த உட்கார வைச்சு அதையும் ஒரு பதிவா போட்டுறாரு என்னதான் பன்றது..?

ஆனா, ஒரு சுவாரசியம் இருக்கு பாருங்க அவரது ஓவ்வொரு பதிவிலும் அங்க தாங்க மோகன் தனித்து நிற்கிறார்.

சினிமா,  அரசியல், சட்ட விளக்கம்னு மனுசன் பதியாத பதிவுகளே இல்லைனு சொல்லலாம்.

தொலைக்காட்சி நிகழ்ச்சிகளை கூட ரசித்து அதை ரசிக்கும் படி சுட சுட பறிமாறிவிடுகிறார்.

    மோகனிடன் பழகுபவர்களுக்கு ஒன்று நிச்சயம் தெரியும். அவர் குரல் சன்னமாக இருந்தாலும் எல்லோரையும் பேசவைத்து அதை கூர்மையாக கவனிப்பார்.  

   அதிகமாக  பேசுவதை விட , அதிகம் கவனிக்க வேண்டியது தான் ஒரு பதிவருக்கு தேவையான மிகச்சிறந்த தலையாய பண்பு.  அத்தகைய பண்பு வீடுதிரும்பல் மோகனுக்கு சரியாக பொருந்தும்.

தமிழ் பதிவுலகில் வீடு  திரும்பல் மோகன் இன்னும் பல மைல் கற்களை கடப்பார் என்பது மட்டும் நிச்சயங்க,,.]

வீடு திரும்பல் இன்னும் வீடு திரும்பவே இல்லை

வாழ்த்துகளுடன் தொழிற்களம்.


Follow by Email

Recent Post