விரட்டுவோம் தமிழின துரோகிகளை ...(பகுதி 1)

  வாருங்கள், நல்ல தமிழ் இணைய உறவுகளே, விரட்டுவோம் தமிழின துரோகிகளை இணையத்தில் இருந்து....!!!. என்ன குழப்பமாய் இருக்கிறதா? சி(ப)லருக்கு நாம் தமிழர்கள் தானா  என்ற சந்தேகமே வந்திருக்கும். 


இணையம் இன்று நம் சமூகத்தில் பெரும் முக்கிய பங்கு வகிக்கிறது. அதிலும் வலைப்பூ நடத்த வழியின்றி வலைப்பதிவு நடத்தும் என் போன்ற ஏழைகளுக்கு உதவியாய் இருக்கிறதே...

இங்கே தான் இருக்கிறது சிக்கல், நாம் வலைப்பதிவிலோ, வலைப்பூவிலோ 
நாம் என்ன நினைக்கிறோமோ அதனை பதிவிடலாம்.இதனை சில நயவஞ்சக தமிழர்கள் தவறாக பயன் படுத்திக்கொண்டு இருக்கின்றார்கள்.

இவர்களின் லீலைகளை முன்பே தெரிந்து இருந்தானோ பாரதி, அதனால்தான் என்னவோ "தமிழ் இனி மெல்லச் சாகும்" என்றானோ...?. மேலும் " செந்தமிழ் நாடு எனும் போதினிலே இன்பத்தேன் வந்து பாயுது என் காதினிலே" என்றான்.இவர்கள் செய்வதை பார்த்தால் "ஐயகோ..!" வெகுண்டு எழுவானே... 

உலகின் ஆதிமொழி தமிழ் என்கிறோம்,செம்மொழி என்கிறோம். தமிழறியா தமிழர்களாய் வாழ்வதில் தான் எவ்வளவு மகிழ்ச்சி நமக்கு.

நம்முடைய கலாச்சாரத்திலே பலவாறு உறவுமுறைகள் சொல்லி அழைத்து மதித்து போற்றுகிறோம் நம் உறவினர்களை. ஆனால்  இந்த மூடர்கள் கேவலப்படுத்திக் கொண்டு இருக்கிறார்கள்.

அப்படியெல்லாம் இல்லை,நீ ராஜபக்சேவிடம் காசு வாங்கிக் கொண்டு பேசும் அறிவிலி என்று திட்ட போகின்றீர்களா...? திட்டும் முன் நான் சொல்வதைக் கேளுங்கள்.

கூகிள் தளத்தினை நாம் 9 மொழிகளில் பயன்படுத்தும் வசதியை இலவசமாகவே வழங்குகின்றது (நம்ம ஊர் தந்திரம் இந்த பயலுக்கு எப்டி தெரியும்?).அதில் நம் தாய்மொழியும் அடக்கம். ஆனால் அடக்கம் ஆகாமல் காப்பது உண்மைத்தமிழனின் கடமை அல்லவா.

சரி நேரடியாக விசயத்திற்கு வருகிறேன்

கூகிள் தளத்திற்கு செல்லுங்கள். 
(நம்பிக்கை இல்லாதவர்க்காக படங்கள்)

தமிழ் என்பதை வட்டமிட்டு காண்பித்துள்ளேன் .
                                

தமிழ் என்பதை தேர்வு செய்த பின்னர் "அக்கா" தட்டச்சு செய்யவும்.
நாகரீகம் கருதி அந்த பக்கங்களை நான் இங்கே படமாக இடவில்லை.

பலான கதைகள், படங்கள்  நிரம்பிய தமிழ் வலைப்பதிவுகள் தோன்றும்.
(வெட்கக்கேடு). இது தொடர்ந்தால் கூகுள் ஒருவேளை தமிழ் வலைப்பதிவுகள் 
என்றாலே இப்படித்தான் என்று கேவலமாய் நினைக்குமே. . .

இதனை எல்லாம் ஒழிக்க வேண்டாமா? அது பதிவர்(தமிழர்)களாகிய நம் கடமை தானே,

1.ஒழிக்காவிடில் உண்டாகும் தீமைகள் என்ன?
2.ஒழித்தால் விளையும் நன்மைகள் என்ன?
3.எப்படி ஒழிக்கலாம்?

அதனை பற்றி தெளிவாக இனி வரும் பதிவுகளில் காண்போம்.

நமது தொழிற்களம் மட்டுமே தமிழ் தளங்களிலேயே  முதல் முறையாக இம்முயற்ச்சிக்கு  மறை(நேர்)முகமாக உதவுகிறது, என்பது உங்களுக்கு தெரியுமா?

தொடர்ந்து பயணியுங்கள் எங்களுடன்...இப்பதிவினை பல இடங்களில் பகிர்ந்து  திரட்டுங்கள் பதிவர் கூட்டத்தை, இப்பொழுது  சொல்லுங்கள் (அறிவிலி )தமிழர்களை விரட்ட நீங்கள் தயாரா ?
                                                                  நன்றி!  


21 comments:

உண்மை தான் நண்பரே... மாற வேண்டும்...

This comment has been removed by the author.

தம்பி உன் கோபம் சரியானதே,,,

தலைப்பிலும் கூட தமிழர்களை விரட்டுவோம் என்று பொதுவாக கூற வேண்டாம். தொழிற்களம் இதை திருத்தம் செய்து வெளியிட முடியும். இருப்பினும் இது போன்று மற்றவர்களும் தெரியாமல் கூட தவறிழைத்து விட கூடாது என்பதற்காக பின்னூட்டம் வாயிலாக தெரிவித்துக்கொள்கிறோம்..

தொழிற்களத்தின் நோக்கத்தினை புரிந்துகொண்டிருப்பீர்கள் என நம்புகிறோம்.

வருகையாளர்களுக்காக தலைப்பு இல்லை.. தலைப்பிற்காகவே வருகையாளர்கள்.

அருமையான ஆக்கம்,,, தொடர்ந்து பதியுங்கள்.

பெரும்பாலும் தொழிற்களம் எழுதுங்கள் என்பதற்கு மாற்றாக பதியுங்கள் என்றே குறிப்பிட காரணம் இது வரலாற்றில் பதியப்படும் களம்.

சிறுக சிறுக நாம் நம்மை தயார்படுத்திக் கொள்வோமாக,,,

தொடர்ந்து பயணிப்போம்..

பாஸ்!
ஒரு நாள் கூகுல் சர்ச்ல போயி அம்மான்னு அடிச்சு தேடிட்டன்.. உவ்வே..

அப்பாறம் பார்த்தா தாய் நாடு,தாய்மொழின்னு செமை ஜல்லி..

திருந்தனும் பாஸு.. திருந்தியே ஆகனும்.

ஒவ்வொரு தமிழனும் வருத்த படவேண்டிய விஷயம்.
நல்ல பகிர்வு..நண்பரே.

முற்றிலும் உண்மை.அது மட்டுமின்றி வருத்தத்திற்குரிய விஷயம். இதை நான் இரண்டு வருடங்களாக கவனித்து வருகிறேன். ஆனால் சமீபத்தில் 6 மாதங்களுக்கு முன்னர் என்று தான் நினைக்கிறேன்.
தமிழ் வார்த்தைகளை கூகிளில் தேடுகையில் அப்படி எதுவும் வரவில்லை. மகிழ்ந்தேன். ஆனால் மீண்டும் பழையபடி மாறிவிட்டது போலும்.
இருப்பினும் நண்பரே, இது இணையத் தளங்களின் சதி வேலையும் கூட என்று ஒரு தகவலை ஒரு வலைத்தளத்தில் படித்தேன். உதாரணமாக இந்தியாவின் வரைப்பட குளறுபடிப் போல் தான். இதுவும் ஒரு சதி.

தனபாலன் அண்ணா, நன்றி

தொழிற் களம் குழுவே மன்னிக்க, என் தலைப்பு பலர் மனதை புண்படுத்தி இருக்கும் என நினைக்கிறேன். தமிழ் பதிவுலகமே நான் செய்த தவறுக்கு மன்னிக்கவும். நான் எப்பொழுது தலைப்பை மாற்றி விட்டேன். தவறை சுட்டிக்காட்டியமைக்கு நன்றி.
நமது தொழிற் களம் தமிழில் விக்கி பீடியா போலே .வளர்ந்து வருகிறது வாழ்த்துக்கள், நன்றி

சித்தூர்.எஸ்.முருகேசன் அவர்களே ,மாற்றம் நம்மிடம் இருந்து தான் தொடங்க வேண்டும், அனைத்து பதிவர்களும் நினைத்தால் முடியும், தொடர்ந்து பயணியுங்கள் என்னோடு... விரைவில் தெளிவு பிறக்கும் , நன்றி அண்ணா

ராஜா அவர்களே, வருத்தம் மட்டும் போதாது, மாற்றம் செய்வோம், சிறுதுளி பேரு வெள்ளம் ஆகட்டும். நன்றி

ராஜா அவர்களே, வருத்தம் மட்டும் போதாது, மாற்றம் செய்வோம், சிறுதுளி பேரு வெள்ளம் ஆகட்டும். நன்றி

தமிழ் ராஜா அவர்களே, சில நயவஞ்சகர்களால், மொத்த தமிழர்களும் பாதிக்கப்படுகிறார்களே, நம்மால் முடியும் மாற்றம் காண.. நன்றி

மிக மிக கேவலமான விசயம்தான். இதற்கான தீர்வை சொல்லும் அடுத்த பதிவை ஆவலுடன் எதிர்பார்க்கிறோம். நன்றி!

நன்றி அண்ணா, அடுத்த பதிவு தயார், இதன் தீமைகள் பற்றி.... நன்றி அண்ணா

இந்நிலை மாற வேண்டும்,மாற்ற வேண்டும்

மாற்றுவோம், நன்றி

இப்படி ஒன்று இருப்பதே உங்கள் இந்தப் பதிவைப் பார்த்துத்தான் தெரிந்து கொண்டேன்.

உங்கள் முயற்சிக்கு வாழ்த்துகள்!

நன்றி அம்மா , மாற்றும் முறை நம்மிடம் இருக்கிறது, நாளைய பதிவில் இருக்கிறது

ஒன்றிணைந்து விரட்டுவோம் தோழரே!...விரட்டுவது நம் கடமை..நல்ல பதிவு தொடருங்கள்.

நன்றி விஜயன் அவர்களே, இந்த தலைப்பில் எழுதி இருக்கும் அனைத்து பதிவுகளைய்ம், படித்துப் பாருங்கள், உங்கள் பதிவுகளும் புதுமை தான். வாருங்கள் மாற்றம் காண்போம்.

Post a Comment

Twitter Delicious Facebook Digg Stumbleupon Favorites More