Latest News

எங்கே தொலைத்தோம் நம்மை...?

 "சனியனே... என்னத்த படிச்சுட்டு இருக்குற...? " (சத்தியமா நான் உங்கள் சொல்லல ) இப்படி  வசனங்களை கேட்டிருப்போம் அல்லது  பேசி இருப்போம் 

  என்றாவது ஒரு நாள் "என்னடா செல்லம் படிக்குற...?" என்று கேட்டிருப்போமா நம் குழந்தைகளை... நெஞ்சை தொட்டு சொல்லுங்கள்.

 அவர்கள் விருப்பத்திற்கு என்றாவது விட்டிருக்கோமா...? 10000 பணம் கட்டி படிக்க வைக்கிறேன், அம்மானு  சொல்ற, மம்மினு  சொல்ல மாட்டியா?

 மம்மி என்றால் எகிப்தில் பதப்படுத்திய  பிணங்களை அழைக்கும் முறை, தாய்ப் பால் ஊட்டியவளும், அப் பிணமும் ஒன்றா என் தமிழச்சியே...



சரி வாங்க ஒரு கதை சொல்றேன், 

                                            பச்சோந்தி 

 முருகன் ஒரு பள்ளி மாணவன், பள்ளியில் நடக்கவிருக்கும் கட்டுரை போட்டிக்காக தயாரித்துக் கொண்டிருந்தான். 

"என்னடா, நான் எழுதி கொடுத்த கட்டுரையை மனப் பாடம் பண்ணிட்டியா?" என்றார் அப்பா சுடலை

"பண்ணிட்டேன் பா "

"எங்க பார்க்காம எழுதி காட்டு  பார்க்கலாம்"

எழுதி கொண்டு இருந்தான் அவன், திடீர் என்று அவனுக்கு மறந்து விட்டதால்  குறிப்பினை எடுத்து பார்த்தான், அப்பா சுடலை பார்த்து விட்டார்.

"எரும மாடு, நீயெல்லாம் எங்க உருப் படப்போற, சொந்தமா எழுதவும் தெரியாது, சொல் புத்தியும் கிடையாது,நாட்டு  நடப்பும் தெரியாது"

அவனால் சொந்தமாய் கூட எழுத முடியவில்லை, காரணம் கூட  சுடலை தான்.

அவன் தினசரி இதழ் மற்றும்  பொதுவான புத்தகங்களை   படிக்கும் போதெல்லாம், "படிச்சது போதும் பள்ளி கூட  புத்தகம் படி"என்றார் சுடலை.

இருதலைக் கொள்ளி எறும்பாய் தவித்தான், பச்சோந்தியாய் மாறும் தந்தையை கண்டு....

சரி கவிதை வாசிக்கலாமே...

எங்கே  என் தந்தை?

அலுவலகத்தில்  வாழ்கின்றார்  தந்தை   அதிகாரியாய்
இல்லத்திலே உழைக்கின்றார் அலுவலக அதிகாரியாய் 
எங்கே  என் தந்தை?

இனியாவது நாம் வெளிப்படுத்துவோம் உணர்ச்சிகளை தெளிவாய், உரித்தானவர்களிடம், உண்மையாய்....

சிந்திப்போம் எங்கே தொலைத்தோம் நம்மை...? என்று....

                                                               நன்றி 





Follow by Email

Recent Post