Latest News

தொழிற்களத்தில் முதல் சதம் - " பெருமையுடன் ஒரு பாராட்டுவிழா!!"

நமது தொழிற்களம் பதிவர்கள் அனைவருக்கும் வணக்கம்! 

      தொழிற்களம் அறிவித்திருந்த உதவி ஆசிரியர் நியமன அறிவிக்கையின்படி, உதவி ஆசிரியர் பணிக்காக பலரும் விண்ணப்பித்து தங்களும் தொழிற்களத்தினூடே பயணித்து வருகின்றனர். அதன் படி ஒரு நல்ல குடும்பத்தை அடைந்ததில் தொழிற்களம் பெரும் மகிழ்வு கொள்கிறது. அண்ணன்களும், தம்பிகளும், அக்காக்களும், தங்கைகளும், அம்மாவும், ஆசிரியரும் கிடைத்ததில் ஒரு அளப்பரியாத சந்தோசத்தை வளர்த்து வருகிறது.

இதோ!! தொழிற்களம் அறிவித்தபடி தனது முதல் சதத்தை உங்களில் இளையவர் திரு.மோகன் சஞ்சீவன் அடைந்துவிட்டார்.

    அவரை பாராட்டி கெளரவிக்கும் விதமாக நமது மக்கள்சந்தை இணையத்தின் நிறுவனர் திரு.சீனிவாசன் அய்யா அவர்களில் தலைமையில் ஒரு சிறிய பாராட்டு விழாவே நடத்தப்பட்டது.

தேவியர் இல்லம் திருப்பூர் ஜோதிஜி அண்ணா அவர்கள் இந்த விழாவை சிறப்பித்து உற்சாகத்தை அள்ளி வழங்கினார்.  உடன் "நாஞ்சில் மதி"  திருமதி. மல்லிகா சம்பத் ( ஸ்ஸ்ஸ் இவங்களை யாருன்னு கேட்க கூடாது... ரகசியம் விரைவில்) மகுடம் சூட்டி வைத்தார். சமூக சிந்தனையுடன் சரவணா கலையகம் சரவணகுமார் அண்ணா போன்றோரும் மோகன் சஞ்சீவனுக்கு பாராட்டுதலை தெரிவிக்க வந்திருந்தனர்.

ஏற்புரையின் போது மோகன் சஞ்சீவன்

மக்கள் சந்தை சீனிவாசன் அவர்கள் பொன்னாடை போற்றி கெளரவித்த போது

சான்றிதழ், அடையாள அட்டை வழங்கியபோது

ஊக்கத்தொகையாக ரூ.3000 காசோலை வழங்கியபோது
சில நிமிடங்களில் விழாவை முடித்து கொள்ளவே திட்டமிட்டிருந்தோம். ஆனால், அண்ணன்கள் இவ்விழாவையே ஒரு உணர்ச்சி மிகுந்த தமிழ் கூட்டத்திற்கான ஆரம்பமாகவும், தொழிற்களத்தின் அடுத்த கட்ட வளர்ச்சிக்கான பாதைகளையும் அடிக்கல் நாட்டி துவங்கி வைத்தனர். விழாவில் நடந்த சில சுவாரசிய உரையாடல்களை தொகுத்து தருகிறோம்.

55 வயது இளைஞர் 45 நாட்களில் 100 பதிவுகளை கடந்து தொழிற்களத்தில் முதல் ஆளாக முன்னேறி வந்திருக்கிறார் என்றால் அவரை பாராட்டாமல் விட்டால் வரலாறு பிழையாகிவிடாதா..? 

  அறிவியலில் புதுமைகளை உடனுக்குடன் மெருகேற்றி எளிய தமிழில் தொழிற்களத்தில் பதிவதில் இவரின் சிறப்பை நீங்களும் கண்டிருப்பிர்கள். 

இதோ அடுத்த கட்டமாக தொழிற்களத்தில் சக பதிவர்கள் அனைவரையும் ஆவலுடன் எதிர்பார்த்து கொண்டிருக்கிறோம். 

Follow by Email

Recent Post