Latest News

வினோதினியின் வினோத முடிவு


வினோதினியின் வினோத முடிவு
பெண்களை தெய்வமாக போற்றிப் புகலும் நம் நாட்டில், பெண்கள் 
தனியாக வெளியே செல்லவே பயப்படும் சூழல். நாம் இந்தியாவில் 

தான்  இருக்கிறோமா? என்று கேட்கும் அளவுக்கு தொடர்ந்து 


பெண்களுக்கு  எதிரான சம்பவங்கள் நடந்த வண்ணம் உள்ளன.

டெல்லி மாணவியின் துயரம் மறப்பதற்குள், தமிழ்நாட்டில் 
வினோதினியின் மரணம்.

ஒருதலைக் காதலை ஏற்க மறுத்ததால்ஆசிட் வீச்சு தாக்குதலில் 
படுகாயமடைந்து மருத்துவமனையில் சிகிச்சை பெற்று வந்த சாப்ட்வேர் 
என்ஜினியர் வினோதினி, சிகிச்சை பலனளிக்காமல் உயிரிழந்தார்.
காரைக்காலை சேர்ந்த பெண் என்ஜினீயர் வினோதினி (23). ஜெயபாலன் தவமிருந்து பெற்ற ஒரே மகள் வினோதினி. தன் வாட்ச்மேன் 

உத்தியோகத்தின் சொற்ப வருவாயில் தன் மகளின் எதிர்காலத்தை 

உருவாக்க எப்படி எல்லாம் அவர் உழைத்திருப்பார்... காலங்காலமாகப் 

பட்டிக்காட்டில் உழன்ற தனது குடும்பத்தின் முதல் தலைமுறை பட்டதாரி 

யாக வினோதினி பட்டம் பெற்றபோது அவர் கண்களில் பூத்த ஆனந்தக் 

கண்ணீர், இப்போது முடிவில்லாத கண்ணீராக மாறி விட்டது.

இவரை ஒருதலையாக காதலித்த சுரேஷ் என்ற வாலிபர், தமது காதலை 
ஏற்க  மறுத்ததால், அவர் மீது ஆசிட் வீசினார்.
         
     இத்தாக்குதலில் வினோதினியின் முகம், கை, தோள் முழுவதும் 


பாதித்தது. 2 கண்களிலும் பார்வை இழந்த அவர் கடந்த 3 மாதமாக 


சென்னை கீழ்ப்பாக்கத்தில் உள்ள தனியார் மருத்துவமனையில் சிகிச்சை 


பெற்று வந்தார்.பார்வை இழந்த வினோதினிக்கு சிகிச்சை அளிக்க பலர் 



உதவி செய்ய முன்வந்தனர். அவரது சிகிச்சைக்கு உதவி அளிக்க தயாராக 


உள்ளதாக  ஏராளமானோர்  கூறினர். 

இந்நிலையில் மருத்துவமனையில் சிகிச்சை பெற்று வந்த வினோதினிக்கு இரண்டு நாட்களுக்கு முன்னர் கடும் மூச்சுத் திணறல் 
ஏற்பட்டதுதொடர்ந்து தீவிர சிகிச்சைப்பிரிவில் அவருக்கு சிகிச்சை 


அளிக்கப்பட்டு  வந்ததுஇந்நிலையில் வினோதினி சிகிச்சை பலனின்றி 


உயிரிழந்தார்.

            இச்சம்பவத்தை பார்த்து நாமும்,நம் அரசும் அனுதாபப்பட்டு 
கண்ணீர் அஞ்சலி செலுத்துவதுடன் விட்டுவிடக்கூடாது. மீண்டும் இது 
போல்  சம்பவங்கள் நடக்காத வண்ணம், தண்டனையை மிகக் 


கடுமையாக்க  வேண்டும். அப்பொழுதுதான், பெண்கள் பயமின்றி 


வெளியில் நடமாட  முடியும்.    





Follow by Email

Recent Post