பள்ளிமுன் போராட்டம் நடத்துபவர்களுக்கு சில கேள்விகள்?




இப்பொழுது பல இடங்களில் அதிகம் கட்டணம் வசூலிக்க படுவதாக கூறி பல பள்ளிகள் முன் போராட்டங்கள் நடத்தபடுகின்றது. அப்படி நடத்துபவர்களிடம் சில கேள்விகள்.

(இது என் மனதில் தோன்றியவை.. சரியா தவறா என சொல்லவும், விவாதிப்போம் ஆனால் சண்டை போடவேண்டாம்)

  1. ஒரு ஹோட்டலில் 2 ரூபாய்க்கு இட்டிலி போடுகிறான், அதே இட்லி கொஞ்சம் பெரிய ஹோட்டலில் 5 ரூபாய், அதுவே 5 நட்சதிர ஹோட்டலில் 15 ரூபாய். இட்லி ஒன்றுதான் அதை சாப்பிடும் இடமும், கூட வைக்கும் side dish, அங்கு உள்ள சுத்தமும் தான் விலையை நிர்ணயம் செய்கிறது. அது போல தான் பள்ளியும், காலை முதல் மாலை வரை நல்ல கல்வி வேண்டும், கணினி, பொது அறிவு என அனைத்திலும் அவனை வளர செய்யவேண்டும், புதுசா வர எல்லா டெக்னாலஜியிலும் அவனுக்கு நடத்த வேண்டும் அப்ப கட்டணமும் அதிகமாகதான் இருக்கும்.

அரசு சொல்லாமலே புது டெக்னாலஜியில் பாடம்(E-Learning, projectors) பாடம் நடத்தும் போது எதிர்காத நீங்கள், அரசு நிர்ணயித்த கட்டணத்தை மட்டும் வாங்க சொல்லுவது நியாயமா?

  1. கல்வி ஒரு சேவை அதை சம்பாதிக்க பயன்படுத்தாதிர்கள் என கூறுகின்றனர் ஒரு சாரார். சரி உங்கள் பிள்ளைகளை B.A தமிழ் படிக்கவைத்து தமிழ்க்கு சேவை செய்ய வைப்பிற்களா? அல்லது B.E or M.B.B.S படிக்கவைத்து நல்ல வருமானம் வரும் வேலைக்கு அனுப்புவிற்களா? உங்களுக்கு ஒரு நியாயம், மற்றவர்களுக்கு ஒரு நியாயமா?

  1. பிள்ளைகளை அதிக கட்டணம் உள்ள பள்ளியில் சேர்த்துவிட்டு பின்பு போராட்டம்  நடத்துவதைவிட அரசு பள்ளியில் சேர்த்துவிட்டு அங்கு நல்ல கல்விதர வேண்டும் என கோரிக்கை விடுக்கலாமே.

  1. காலை 7 மணி முதல் மாலை 6 அல்லது 7 மணிவரை வகுப்பு எடுத்து உங்கள் பிள்ளை நல்ல மதிப்பென் பெற உங்களைவிட அதிகம் பாடுபடும் ஆசிரியருக்கு 2000 , 3000 சம்பளம் குடுத்தால் அவர்கள் எப்படி ஆர்வமுடன் வேலை பார்பார்கள்.(ஆசிரியர் தொழிலும் சேவைதான் என ஆரம்பிக்காதிர்கள், அதுக்கு 2 வது பாயிண்ட்தான் பதில்)

  1. பள்ளி கட்டணம் 8000 கட்டிவிட்டு , டியூஷனுக்கு 15,000 கட்டிவிட்டு மானவனை இரு இடங்களில் அலையவிடுவதைவிட இது நல்லது என நினைக்குறேன்.

  1. (MAXIMUM)எந்த அரசு அதிகாரிகளும் தன் பிள்ளைகளை அரசு பள்ளியில் படிக்கவைபதில்லை ஏன்?( கலெக்டர் ஒருவரை காட்டாதிர்கள் அவர் விதிவிலக்கு) இதை வைத்து ஒருவரும் போராட்டம் நடத்துவதிலையே ஏன்?

  1. புதுபடம் போடுற தியட்டருல டிக்கெட் பலமடங்கு அதிகம் வச்சு விக்கிறான், அதை கண்டுகாம செலவு பன்னி படம் பார்போம், பிள்ளை எதிகாலத்தை நிர்னயிக்கும் கல்விக்கு செலவுபன்ன யோசிப்போம்.

  1. இது L.K.G, UKG க்கு 40000, 50000 பிடுங்கும் பள்ளிகலுக்கும், எந்த வசதியும் இல்லாத பள்ளிகலுக்கும், பெற்றேரை மதிக்காத பள்ளிகலுக்கும் பொறுந்தாது.

டிஸ்கி : இவை அனைத்தும் என் மனஓட்டம், இது தவறாககூட இருக்களாம். சரியா? தவறா? மற்றும் உங்கள் கருத்துகளை ஆவலுடன் எதிர்பார்கிறேன்.

0 comments:

Post a Comment

Twitter Delicious Facebook Digg Stumbleupon Favorites More