Latest News

உங்களுக்கு முகப்பரு தொல்லையா?


முகப்பரு வர காரணங்கள் 



  • தலையில் பொடுகுப் பிரச்னை இருப்பவர்களுக்கு முகத்தில் பரு வருகிறது. ஸ்கால்பில் உள்ள பாக்டீரியாக்கள் முகத்திற்கு இறங்கி வருவதால் அவை படும் இடங்களில் எல்லாம் பரு வருகின்றது. அதனால் பலருக்கு நெற்றியிலும் கன்னங்களிலும் பரு வருகிறது. 

  • நம் உடம்பில் ஏற்படும் ஹார்மோன் இம்பேலன்ஸும் பரு வர ஒரு காரணம். பெண்கள் பெரியவளாகிய டீன்-ஏஜ் வயதில் ஹார்மோன்கள் முன் பின்னாக இருப்பதாலும் பரு வரலாம். இந்தக் காரணங்களால்தான் பீரியட்ஸ் ஏற்படும் நாட்களிலும் கூட சிலருக்கு பரு வருகிறது. இதே ஹார்மோன் இம்பேலன்ஸ் காரணமாக 40 வயதுகளின் கடைசியில் மோனோபாஸ் நிலையில் உள்ள பெண்களுக்கும் கூட பரு வரலாம். “சின்ன வயசுல கூட எனக்கு பரு வந்ததில்லே.. இப்போ போய் வருது’ன்னு பல பெண்கள் சொல்வதுண்டு! 

  • எண்ணெய்ப் பசை அதிகமுள்ள சருமம் என்றாலும், அதாவது நம் சருமத்தின் செபேஸியஸ் எண்ணெய்ச் சுரப்பிகள் அதிகம் இருந்தாலும் பரு வரலாம். 

  •  குட்டையான தலைமுடி உள்ள சிலருக்கு அந்த முடி முகத்தின் சருமத்தில் குத்தி குத்தி கூட பாக்டீரியல் இன்ஃபெக்ஷன் ஏற்பட்டு பருவாக வரலாம்.

பரு வந்தால் கவனிக்க வேண்டியது

முகத்தில் பரு வருபவர்கள் அனைவருக்குமே அவை கறுப்புத் தழும்பாக மாறிவிடுவதில்லை. பருவின் மேல் கை வைத்து அந்தப் பருவின் உள்ளிருக்கும் சீழை எடுக்கிறேன் என்று கிள்ளி கிள்ளி எடுத்தாலோ, அல்லது ஃபேஸ் பேக் போட்டு அழுத்தமாக தேய்த்தாலோதான் அந்த இடம் பாதிக்கப்பட்டு பரு, தழும்பாக மாறி மாதக் கணக்கில் நிறம் மாறாமல் அப்படியே நின்று விடுகிறது.

ஒரு கஷ்டம் என்னவென்றால் இன்று 90% இளம் பெண்கள், அவை கறுப்புத் தழும்பாக மாறும் என்று தெரியாமலேயே இப்படி முகத்தின் பருவை கிள்ளியெடுப்பவர்கள்தான். முகத்தில் கை வைக்காமல் பருவுக்கான ட்ரீட்மெண்டை மட்டும் நீங்கள் எடுத்துக் கொண்டால், பருக்கள் போய்விடும்... தழும்புகளும் வராது.

பரு வந்தால் வந்தால் செய்ய வேண்டியவை


  •  பொடுகுப் பிரச்னையால் பரு வந்திருக்கிறதா என்று பார்த்து முதலில் தலையில் பொடுகை சரிப்படுத்திக் கொண்டால்தான் முகத்தின் பருக்கள் குறையும்! 

  • பொடுகு இருப்பதாகத் தெரிந்தால் தலை வைத்துப் படுக்கும் தலையணை மூலம் கூட பரு வரலாம். அல்லது வீட்டில் மற்றவருக்கும் வரலாம். எனவே படுக்கும்போது தலையணை மேல் ஒரு டவல் போட்டு தினம் அதை எடுத்து வாஷ் பண்ணி விட்டாலே பருவை வரவிடாமல் தடுக்கலாம். 

  • பரு இருந்தால் முகத்துக்கு சோப் போடக்கூடாது. சோப்பில் உள்ள கொழுப்பு மறுபடி சருமத் துளைகளை அடைத்தக் கொண்டு விடும். பரு சீக்கிரம் போகாது.இதற்கென்றே சில ஃபேஸ் வாஷ் கிடைக்கிறது. ஆயில் ஸ்கின்னுக்கு உரிய ஃபேஸ்வாஷ் அல்லது சென்சிடிவ் ஸ்கின்னுக்கு உரியது அல்லது அக்னே ஃபேஸ்வாஷ் என்று கேட்டு வாங்கி, சோப்புக்கு பதில் முகத்துக்குப் போடலாம். இந்த ஃபேஸ் வாஷில் ஆன்டி பாக்டீரியல் விஷயங்கள் உள்ளதால் பருவால் ஏற்படும் இன்ஃபெக்ஷன் குறையும்!



Follow by Email

Recent Post